Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 34 - Ochobre 2021

Apúntate al nuestru boletín

Otres actividaes

Festival Fifty-Fifty de Jazz y Poesía

Teatru Palacio Valdés, Factoría Cultural, Conservatoriu Julián Orbón. Dende'l 18 hasta'l 21 de payares de 2021

Dempués d'un añu y mediu de trabayu pa da-y forma, el primer Festival Fifty-Fifty de Jazz y Poesía d'Avilés yá ta cerca. La ciudá va convertise en cuatro díes, dende'l 18 hasta'l domingu 21 de payares, nun centru d'atención nacional de dos xéneros lliterarios y musicales enforma xuníos, que se van mecer nun eventu únicu.

L'Asociación Cultural Fitty-Fitty, que ñaciere nel confinamientu, puxa por ello. La idea que xurdió nesi tiempu d'entamar esti certamen ye d'Yvan Corbat, Alfonso Martínez Tuñón "Fonky", Sergio Suárez Fernández "Curry" y Gonzalo Suárez Fernández "Chalo", el festival supón una declaración d'intenciones, proque se marca unos oxetivos de paridá y participación ente homes y muyeres, convirtiéndose nun referente européu en materia de bones práutiques de programación n'igualdá de xéneru.

Pero tamién dende'l puntu de vista artísticu, con un cincuenta por cientu dedicáu al jazz y a la música, y otru cincuenta a les manifestaciones poétiques, asina como al espaciu p'artistes nuevos y yá consagraos.

La filosofía del Fifty-Fifty va dexanos disfrutar de talentos nuevos y consagraos, con criterios de paridá, que lu convierten nel primer festival d'esti tipu n'España, y ensin otres referencies nel mundu. Nomes como los de Paco Ibáñez, Benjamín Prado, César Antonio Molina, Raquel Lanseros, Alba Careta o Viktorija Pilatovic, son sólo un apunte del prestixu de los y les participantes.

En total, unes venti actividaes pa tolos públicos gracies a cerca de noventa artistes que van presentar los sos trabayos en 5 conciertos, 4 recitales de poesía, 5 espectáculos poético-musicales, 1 charra, 2 clases maxistrales y 2 talleres. En tres sedes, el teatru Palacio Valdés, l'espaciu escénicu de la Factoría Cultural y el Conservatoriu Julián Orbón, onde habrá varios estrenos absolutos.  

Nesti eventu collaboren entidaes como la Caja Rural de Asturias, amás de Fundación Loewe, Berklee College of Music, la Escuela Música Creativa, l'Asociación de Intérpretes y Ejecutores d'España (AIE) o la Fundación José Manuel Lara.

Conciertos, recitales, charres, talleres y clases maxistrales componen una programación única, que se van acompangar con animación musical na cai. El públicu que va a los recitales de poesía y a la charra sobre la poesía del jazz tendrá la oportunidá de charrar colo y coles autores en terminando los actos, en sesiones de firma de llibros.

Una programación completa llarada d'eventos especiales y, la mayoría, únicos, que van convertir Avilés nun referente en materia de jazz y poesía, y van complementar la ufierta cultural de la ciudá.

El logotipu del festival fízolu'l diseñador gráficu asturianu Rafael García Barrero. Con un guiñu a la creación lliteraria, asemeyándose a la nomada "Dómina del Jazz" de los años 20 "Jazz Age), una época que coincidió cola inauguración del teatru Palacio Valdés.

Entraes

Los talleres y les clases maxistrales sedrán de baldre, apuntándose primero.

Les entraes pa los eventos de pagu yá se tán vendiendo y cuesten  entre 6 y 20 euros. Podrán comprase na web https://entradas.liberbank.es/palaciovaldes.

Programa

Xueves, 18 de payares

Teatru Palacio Valdés, 20.00 h

Conciertu inaugural  "Jazz made in Asturiazz": esbilla de dalgunos y dalgunes de los y les autores de más nome nel panorama del jazz asturianu. Un septetu formáu por Eladio Díaz, Carlos Pizarro, Jacobo de Miguel, Fernando Arias, Ana Pérez, Horacio García y Manu Molina. Ye un estrenu absolutu sofitáu pol festival, que quier dar protagonismu al talentu qu'hai en casa, nel primer conciertu de la historia'l festival.

Factoría Cultural, 22.00 h

"Nun se pierde la señal, recordando a Joan Margarit". Espectáculu poéti u-musical que quier facer un homenaxe al poeta Joan Margarit, ún de los poetes más importantes de la nomada "poesía del jazz", con un quitetu del que ye cabezaleru'l fíu de Margarit, el compositor, arreglista y saxofonista Carles Margarit.

Vienres 19 de payares

Conservatoriu Julián Orbón, 17.00 h

Masterclass de "Jazz Cubano" pol saxofonista Alexey León (actividá de baldre ), en collaboración con Berklee College of Music.

Teatru Palacio Valdés, 20.00 h

Un estrenu absolutu y alcuentru únicu. Conciertu-recital creáu especialmente pal festival, nel que los versos del poeta Benjamín Prado van mecese cola música de Jorge Prado, músicu  premiáu munches veces y de la so banda.

Factoría Cultural, 22.00 h

Aladés, d'Alba Careta Group: un proyeutu enerxéticu, rompedor y cercanu de la trompetista y vocalista Alba Careta, acompañada de los músicos más prometedores de la escena catalana del jazz, organizáu en collaboración col programa "AIEnRUTa-JAZZ" de la Sociedad de Artistas Intérpretes o Ejecuntantes de la música (AIE).

Sábado 20 de payares

Factoría Cultural, 11.30 h

Frutes nun tan rares: una charra-coloquiu sobre la llamada "posía del jazz" n'España, cola participación de Juan Ignacio Guijarro, profesor na Universidá de Sevilla y editor de l'antoloxía "Fruta extraña-Casi un siglo de poesía española del jazz" y del Catedráticu eméritu de la Universidá de les Islles Baleares y poeta Francisco Díaz de CAstro, autor del poemariu "Vamos a perdernos" (Vandalia, 2020). L'actu va contar con intérprete de llingua de signos.

Factoría Cultural, 12.45 h

Jazz Massage: un taller bien prestosu y relaxante de kinesioterapia.

Teatru Palacio Valdés, 13.00 h

Conciertu de Viktorija Pilatovic y el so quintetu (sesión vermú): artista, cantante de jazz, compositora, cabezalera de la so banda y educadora llituana que comparte'l so amor pol jazz al traviés de la so música orixinal: lletres poétiques, progresiones modernes d'acordes que lleguen al corazón y una interpretación vocal virtuosa.  

Conservatoriu Julián Orbón, 17.00 h

Masterclass de voz, por Viktorija Pilatovic, en collaboración con Berklee College of Music.

Factoría Cultural, 18.00 h

Recital poéticu "Poesía en tiempos de pandemia...", con César Antonio Molina, Raquel Lanseros, Fernando Beltrán y la poeta avilesina Natalia Menéndez.

Teatru Palacio Valdés, 20.00 h

Conciertu de Paco Ibáñez: El conciertu va coincidir col 87 aniversariu del artista, que va cumplir años sobre les tables del Teatru Palacio Valdés, dando un conciertu que ye una propuesta d'amor, llibertá y dignidá, un símbolu de resistencia delantre la inxusticia, la violencia y la llaceria. Envueltes na voz y la música, les palabres de los poetes mas grandes de la llingua castellana van trespasando los sieglos. Paco Ibáñez conviértese en protagonista de lo que canta y convirte en protagonistes a quien escucha, llegando a sentise en compañía de la so resistencia pola dignidá personal y coleutiva. Pol aniversariu "100 años de Brassens", Paco va facéi un homenxe cantando dalguna de les sos canciones.    

Factoría Cultural, 22.00 h

Lecuona y el color de Cuba. Estrenu absolutu. Conciertu-recital del duu formáu pol saxofonsita cubanu Alexey León de la pianista gallega Antía Couto. "Lecuona a Duo", ta dedicáu a ún de los pianistes clásicos cubanos más apreciaos, Ernesto Lecuona, una síntesis de la música cubana, d'esa mestura musical que xurde de la cubanía (xunión d'Africa, España y Cuba...lo criollo, lo colonial y lo continental), acompañada por versos de Nicolás Guillén.

Domingu 21 de payares

Conservatoriu Julián Orbón, 11.30 h

¿Poesía yes tu? (taller) Los músicos Rafa Mora y Moncho Otero llevarán a neños y neñes d'ente 10 a 14 años al mundu poéticu de los clásicos, meciendo acordes de guitarra, ritmu, versu, voz y humor sanu y elgante. La sesión va pesllase con un taller-rima.

Factoría Cultural, 12.30 h

Recital poéticu "Raíces", con Alexandra Domínguez (España-Chile), Ben Clark (España-Reinu Xuníu), Miriam Reyes (España-Venezuela), Mariano Peyrou (España-Argentina).

Teatru Palacio Valdés, 13.00 h

Conciertu de la Creativa Big Band (sesión vermú): 25 músicos nel escenariu del Palacio Valdés con un grupu que va más p'allá de la mera formación clásica y incorpora instrumentos de vientu y madera, guitarres, coros y teclaos, con un repertoriu centráu en composiciones clásiques.

Factoría Cultural, 17.00 h

"Versos d'otru tiempu. Muyeres poetes de la Xeneración del 27": Espectáculu poéticu-musical, basáu n'antoloxía de muyeres poetes al rodiu de la Xeneración del 27: "Pexes na tierra" de l'autora Pepa Merlo, cola participación de la mesma autora como narradora, acompañada por guitarres, pianu y violín.

Factoría Cultural, 18.45 h

La música de les llingües: Un recital únicu pa poder sentir y disfrutar con poemes en versión orixinal, que quieren enseñar lo guapo que ye'l sonidu de delles llingües que podemos atopar na xeografía española, y encumar la so diversidá cultural, cola participación de los poetes Yolanda Castaño (galego), Elisa Rueda (euskera), Patxi Martínez (catalán) y Pablo Texón (asturianu).

Teatru Palacio Valdés, 20.00 h

Conciertu de clausura: Ignasi Terraza (pianu, España), nun duu con Horacio Fumero (contrabaxu, Argentina).

Más información

Calendariu d’eventos

anterior Setiembre 2022 siguiente
ll ma mi xu vi do
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2022 Fundación de Cultura. Conceyu d’Avilés. | Avisu llegal |