Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Otres actividaes

XXIV Xornaes del Cómic, Avilés 2019

Casa la Cultura

Faltándo-yos un añu pa cumplir el so cuartu añu de vida, les Xornaes del Cómic d'Avilés algamen la so XXIV edición y lleven otra vegada más a la ciudá a ser, casi nuna selmana entera, la capital del cómic y ún de los principales focos d'atención del novenu arte. Entamen el martes, 10 de setiembre, hasta'l sábadu 14, cola plaza d'Álvarez Acebal y la Casa la Cultura como centros d'actividá.   

La edición d'esti añu presentóla Yolanda Alonso, conceyala de Cultura, con Jorge Iván Argiz y Ángel de la Calle, direutores del festival. Alonso resaltó la calidá d'un certamen que xunta nuna edición más  alos grandes historietistes nacionales y internacionales y que cada añu se ga gana a pulsu'l so sobrenome de "Xornaes de los Aficionaos", gracies al ambiente especial de cercanía ente'l públicu y les persones invitaes.

Per Avilés van pasar estrelles internacionales como Jason Latour, responsable de cabeceres como Paletos Cabrones", "Lobezno" y los "X-Men", "Soldado de Inverno" o "Estela Plateada"; Paul Azaceta, creador de "Outcast", convertida nuna serie de televisión; Gianfranco Manfredi, artista multidisciplinar y guonista de cómic capital n'Italia, o Marguerite Sauvage, autora d'obres clave y reivindicatives como "Faith" o "Bombshells".

Ente les persones invitaes españoles, que siempre tienen un pocu tiempu p'averase a Avilés, incluso a títulu individual, figuren Vicente Cifuentes, qu'amás ye l'autor del cartel d'esta edición XXIV, y Jorge Fornés, los dos tán davezu en Marvel y DC; tou un clásicu como Enrique Sánchez Abulí, qu'entamó como guionista de les clásiques "Hazañes Béliques" a lo cabero los años 60 del sieglu pasáu, o Enrique Vegas, colos sos conocíos cabezones y la so facilidá p'atrayer llectores nuevos y nueves al mundu'l cómic.

Les persones invitaes van tar con aficionaos y aficionaes y con cualquiera que-y preste averase nun calendariu llaráu d'actividaes, qu'abarca dende proyeiciones cinematográfiques, sesiones de firmes, presentaciones de novedaes, ruedes de prensa abiertes al públicu, asina como charres y meses redondes, lo mesmo dientro a Casa la Cultura, como na carpa que va tar n'Álvarez Acebal.

Esti añu, el certamen quier afondar otra vez na figura del guionista, y tamién averase a la mocedá, autores españoles que dibuxen dalgunos de los grandes iconos del cómic americanu. Siempre tando mui cerca la organización coles y coles invitaos y invitaes, colos visitantes, enfotándose na enterrellación y l'averamientu, pudiendo pasar asina unos díes con dalgunos y dalgunes de los y les creadores  de más renome y con más premios dientro'l mundu'l cómic.

Porque la llista profesionales del cómic que vienen a Avilés ye d'altor otra vegada más, amás de grande y variada. Nun hai d'escaecer qu'aparte de los y les invitaos y invitaes oficiales, siempre pasen pela ciudá creadores abondo que contribuyen a da-y esti sellu  familiar que dende l'entamu ye una de les sos señes d'identidá.

Llista oficial

Tripp (Francia), Paul Azaceta (Estaos Xuníos), Fidel Martínez (España), Jorge Fornés (España), Vicente Cifuentes (España), Gianfranco Manfredi (Italia), Enrique Sánchez Abulí (España), Andrés G. Leiva (España), Enrique V. Vegas (España), Toni Fejzula (Serbia/España), Yanick Paquette (Canadá), Marguerite Sauvage (Francia), Antonio Navarro (España), Iván Gil (España), Álvaro Martínez (España), Fernando Llor (España), Chirstian Cailleaux (Francia), Cristina Durán (España), Miguel Ángel Giner Bou (España) y Jason Latour (Estaos Xuníos).

Esposición

Amás de varies charres y alcuentros colos y coles llectores, les Xornaes del Cómic incluyen una esposición na Casa la Cultura, que se pue visitar dende'l martes pasáu. Trátase de tornar al trabayu d'hai tiempu d'un de los invitaos d'esti añu, Andrés G. Leiva qu'amás va facer una visita guiada a la esposición. L'amuesa inclui más de 50 orixinales del autor, lo mesmo en blancu y negru qu'en color, que repasen el so camín andáu hasta agora. Podrá vese hasta'l 15 de setiembre.

Programa

MARTES 10

18.30 hores. INAUGURACIÓN, cola presencia d'autores invitaos y invitaes (Auditoriu de la Casa la Cultura).

19.00 hores. Charra - Alderique: ENRIQUE SÁNCHEZ ABULÍ (Auditoriu de la Casa la Cultura).

20.35 hores. Firmes.

MIÉRCOLES 11

17.00 hores. Charra Alderique: CAILLEAUX (Auditoriu de la Casa la Cultura).

18.00 hores. Charra Alderique: ANTONIO NAVARRO (Auditoriu de la Casa la Cultura).

19.00 hores. Charra Alderique: FIDEL MARTÍNEZ (Auditoriu de la Casa la Cultura).

20.00 hores. Charra Alderique: GIANFRANCO MANFREDI (Auditoriu de la Casa la Cultura).

21.00 hores. Firmes.

XUEVES 12

12.00 hores. Charra Alderique "L'oficiu de guionista", con Gianfranco Manfredi, Matz, Jason Latour y Enrique Sánchez Abulí (Sala de Conferencies de la Casa la Cultura).

15.15 hores. Vidiucine: "Popeye", de Robert Altman. USA, 114 minutos (Sala de Conferencies de la Casa la Cultura).

17.00 hores. Charra Alderique: ANDRÉS G. LEIVA (Auditoriu de la Casa la Cultura).

18.00 hores. Alderique: CRISTINA DURÁN Y MIGUEL ÁNGEL GINÉR BOU (Auditoriu de la Casa la Cultura).

19.00 hores. Charra Alderique: VICENTE CIFUENTES (Auditoriu de la Casa la Cultura).

20.00 hores. Charra Alderique: MARGUERITE SAUVAGE (Auditoriu de la Casa la Cultura).

21.00 hores. Firmes.

VIENRES 13

12.00 hores. Charra Alderique "Presentación de l'asociación profesional de guionistes de cómic ARGH!", con Fernando Llor y Miguel Ángel Giner Bou (Sala de Conferencies de la Casa la Cultura).

12.30 hores. Charra Alderique "Dibuxando a los grandes iconos del cómic americanu dende España, primer parte", con Francis Portela, Fernando Blanco, Ibán Coello y Álvaro Martínez.

13.15 hores. Presentación del cómic "La pieza", col so guionista Fernando Llor (Sala de Conferencies de la Casa la Cultura).

15.15 hores. Vidiucine: "Kaliman, l'home increíble", d'Alberto Mariscal. México,107 minutos (Sala de Conferencies de la Casa la Cultura).

17.00 hores. Charra Alderique: TONI FEJZULA (Auditoriu de la Casa la Cultura).

17.45 hores. Charra Alderique: ÁLVARO MARTÍNEZ (Auditoriu de la Casa la Cultura).

18.30 hores. Charra Alderique: JORGE FORNÉS (Auditoriu de la Casa la Cultura).

19.15 hores. Charra Alderique: IVÁN GIL (Auditoriu de la Casa la Cultura).

20.00 hores. Charra Alderique: PAUL AZACETA (Auditoriu de la Casa la Cultura).

21.00 hores. Firmes.

SÁBADU 14

12.00 hores. Charra Alderique "Dibuxando a los grandes iconos del cómic americanu dende España, segunda parte", con Sergio Dávila, Álvaro Martínez, Jorge Fornés y Juanan Ramírez (Sala de Conferencies de la Casa la Cultura).

12.45 hores. Presentación de la revista "El churru ilustráu", con Fritz, Mart Yuls, Pepe Macías y Esmeralda Puerto (Sala de conferencies de la Casa la Cultura).

13.15 hores. Charra Alderique "Oscar Masotta y el cómic", con Ana Longoni (Sala de conferencies de la Casa la Cultura).

15.30 hores. Vidiucine: "Spiderman y el desafíu del dragón", de Don McDougall. USA, 93 minutos (Sala de Conferencies de la Casa la Cultura).

17.00 hores. Charra Alderique: JASON LATOUR (Auditoriu de la Casa la Cultura).

18.15 hores. Charra Alderique: YANICK PAQUETTE (Auditoriu de la Casa la Cultura).

19.30 hores. PIESLLE (cola presencia d'autoridaes y autores invitaos y invitaes).

20.00 hores. Firmes y regalu de la lámina d'ENRIQUE VEGAS y la revista ENSUEÑOS númberu 7.

Más información

Casa la Cultura

Plaza Domingo Álvarez Acebal, 2

33402 Avilés. Asturies

T: 985 51 04 39 / 985 51 04 52

HORARIU

Llunes a sábados: 11:00 a 13:00 h y de 18:00 a 21:00 h
Domingos y festivos: 11:00 a 14:00 h

  • © 2019 Fundación de Cultura. Conceyu d’Avilés. | Avisu llegal |