Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 32 - Abril 2021

Apúntate al nuestru boletín

Música

Música «Factoría Sound» marzu/mayu 2021

Factoría Sound llévase pal Auditoriu de la Casa la Cultura pa garantizar l'aforu por culpa les restricciones escontra'll COVID-19, colos recitales de marzu y mayu a les 20:00 hores

Dos bandes españoles qu'estrenen n'Avilés los sos álbumes nuevos y dos estrelles internacionales. Asina, a lo grande, con un cartel de lluxu encabezáu pola gran diva del soul européu, Shirley Davis, vuelve al Factoría Sound. Con cambiu de sitiu, l'Auditoriu de la Casa la Cultura, p'adautase con más espaciu y aforu a los tiempos del COVID, y cuatro conciertos, dos esti mes de marzu y otros dos en mayu, toos, a les 20:00 hores.

Ciclu organizáu pola conceyalía de Cultura, y un reclamu pa les persones a les que-yos presta la bona música en tol norte España, incluso con toles trabes qu'hai pola pandemia, nesta vuelta amás de Davis, que yá visitó Avilés cola so banda los Silverbacks en La Grapa 2018, tocarán pal públicu que se xunte nel auditoriu los salmantinos El Altar del Holocausto, que van presentar un discu nuevu, igual que los asturianos Acid Mess y pa entamar, la vuelta de Luke Winslow, que tocó na Factoría en 2018.

L'Americana Music del cantautor Luke Winslow-King abre'l fueu'l 18 de marzu. El 27, el rock instrumental del Altar del Holocausto, col estrenu de "Tri Ni Dad". El 15 de mayu, los uvieínos Acid Mess ye la primer vez que toquen n'Avilés, y que van estrenar y presentar "Sangre de otros mundos", en clave sicodélica y mediterránea. Diendo d'un sitiu pa otru cola so producción nueva y más ambiciosa, "Keep on Keeping on" anden Shirley Davis y The Silverbacks, con parada na Casa la Cultura'l 28 de mayu.

Les entraes empiecen a vendese'l llunes 1 de marzu, a les 11:00 hores, con un preciu de 10 euros, nes canales normales pa ello, como la taquilla de la Casa la Cultura y la páxina web https://entradas.liberbank.es/palaciovaldes. El día del conciertu costarán 12 euros. Nel casu d'El Altar del Holocausto, van costar 12 y 15 euros.

Calendariu

Xueves 18 de marzu. Luke Winslow-King

Sábadu 27 de marzu. Altar del Holocausto

Sábadu 15 de mayu. Acid Mess

Vienres 28 de mayu. Shirley Davis.

Luke Winslow-King

Fai una mestura ente'l so raigañu cebáu col country y el blues y les influencies folkies colos ritmos mestizos y calientes de la so ciudá d'acoyida, Nueva Orleans, y peñerao too xunto cola so voz única, acompañáu de la so inseparable guitarra Fender. 




El Altar del Holocausto

Los salmantinos, referentes del rock instrumental n'España, a mediu camín ente'l postrock y el doom instrumental, dempués d'una carrera de más de diez años, afiten el so prestixu nun direutu demoledor, que ye quien a llevar al públicu a un estáu o a otru de señaldá y allegría, ñacencia o resurreición...



Acid Mess

Con diez años d'historia al llombu, ye la primer vegada que los uvieínos toquen n'Avilés y, fáenlo a lo grande, p'asoleyar el so trabayu más ambiciosu hasta agora, "Sangre de otros mundos", un viaxe mui sicodélicu y intensu pelos ritmos más frenéticos, pa que'l públicu más esixente lo pase mui bien.

Shirley Davis & The Silverbacks

Considerada la gran diva del soul n'Europa, la poderosa voz de la londinense d'ascendencia xamaicana entemezse cola música de la banda madrileña The Silverbacks envolviendo a quien la escuche. El so discu nuevu, "Keep on Keeping on" amuesa'l so talentu vocal con soníos que recuerden los años doraos del soul de Chicago.

Más información

Casa la Cultura

Pz Domingo Álvarez Acebal, 2

33402 Avilés. Asturies

T: 985 510 045 / 985 510 452

HORARIU

Llunes a vienres • 08:30 a 21:30 h

Sábados • 09:00 a 21:00 h

Domingos y festivos • 09:00 a 14:00 h

HORARIU XUNETU Y AGOSTU

Llunes a vienres • 08:30 a 14:00 h y de 16:00 a 21:30 h

Sábados • 09:00 a 14:00 h

Domingos y festivos • pesllao

  • Música «Factoría Sound» marzu/mayu 2021

    Factoría Sound llévase pal Auditoriu de la Casa la Cultura pa garantizar l'aforu por culpa les restricciones escontra'll COVID-19, colos recitales de marzu y mayu a les 20:00 hores

Calendariu d’eventos

anterior Xunetu 2021 siguiente
ll ma mi xu vi do
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

Axenda

Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2021 Fundación de Cultura. Conceyu d’Avilés. | Avisu llegal |