Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2020 -Númberu 28 - Abril 2020

Apúntate al nuestru boletín

Música

Música «Festival Cultural Coreanu n'Asturies»

Auditoriu de la Casa la Cultura. 7 d'avientu, 20:00 h

Avilés súmase a los actos del Festival Coreanu n'Asturies 2019 con un conciertu de música clásica y tradicional, a cargu d'instrumentistes de nacionalidá coreana como, Minji Kim (violonchelu), Hayang Park (viola) y Seungju Mun (clarinete), y l'español, Enrique Lapaz (pianu).

Esti recital ye ún de los actos incluyíos nun festival que se va facer ente los díes 7 y 19 d'avientu, con actividaes tamién n'Uviéu y Xixón.

Entamáu pola Embaxada de la República de Corea del Sur n'España y pol Centru Cultural Coreanu, en collaboración con Conceyu d'Avilés.

El repertoriu va tener pieces clásiques de Schumann, J.S. Bach, Hindemith, y Chausson. Tamién interpretarán obres de los músicos coreanos Heung Ryul Lee y Nanpa Hong, termiando con "Arirang", una canción tradicional del país del Este asiáticu, lo mesmo del Norte que del sur, y declarada Patrimoniu Cultural Inmaterial de la Humanidá pola Unesco en 2012.

Programa  

Robert Schumann (1810-1856)

Dichterliebe op.34 pa viola y pianu

1. Im wunderschönen Monat Mai

2. Aus meinen Tränen sprießen

3. Die Rose, die Lilie, die Taube, die Sonne

4. Wenn ich in deine Augen seh

7. Ich grolle nicht

10. Hör' ich das Liedchen klingen

12. Am leuchtenden Sommermorgen

J.S.Bach (1685-1750)

Suites pa chelu solu

n.3 BWV 1008 Prelude

Paul Hindemith (1895-1963)

Duetu pa viola y chelu

Ernest Chausson (1855-1899)

Andante y Allegro pa clarinete

Intervalu

  

Heung Ryul Lee (1909-1980)

Island Baby

Nanpa Hong (1897-1941)

Spring in my hometown

Arirang. Canción folclórica tradicional de Corea

*Editáu por Jae-in Hwang, Seong Hee Hong

Minji Kim ñació en 1995 n'Incheon, Corea del Sur y empezó a tocar el violonchelu a los seis años. Estudió nel Institutu d'Artes de Seúl y dempués na Universidá Nacional d'Artes de Corea con Myung-Wha Chung. En 2014, Minji Kim siguió estudiando en la Hoschule für Musik en Basilea con Monighetti y sol Gabetta. La chelista ganó premios en munches competiciones internacionales, amás del Concursu d'Interpretación Musical de Lausana en 2017. En 2018 quedó segunda na Competición de Música pa Instrumentos de Cuerda de Rahn y nel Concursu Internacional de Violonchelu Paulo en Helsinki. La violonchelista, amás, ganó'l Premiu Frans-Helmerson de l'Academia Kronberg, sina como'l Premiu d'Estudiu del Porcentaxe de Cultura de Migros. Minji Kim ye becaria Rahn Kulturfonds dende 2018. Kim actuó con munches orquestes, ente elles la Filarmónica d'Incheon, la filarmónica de Suwon de Corea del Sur, y la Orquesta Filarmónica de Tokio. Como solista y música de cámara, Minji Kim dio conciertos n'Europa y Asia.

Hayang Park ñació en Seúl, Corea del Sur, en 1998. Intérprete de viola, con 12 años yá ganó'l Concursu Internacional de Música y Arte Dramáticu Leopold Bellan. Na decimoquinta edición del Concursu de Música de Tokio en 2017 algamó'l tercer premiu na estaya de cuerda y interpretó "Der Schwanendreher" de Hindemith" cola Orquesta Filarmónica de Tokio. Tamién participó n'eventos musicales como Kronberg Chamber Music Connects the World 2016 onde actuó xunto con   Steven Isserlis, Christian Tetzlaff y Antje Weithaas; Kronberg Academy Festival nos años 2015 y 2017; y Four Seasons Chamber Music Festival 2016 xunto al pianista Robert Mcdonald y la violinista Ani Kavafian. Amás, ganó l'Audición del Conciertu de Kumho Prodigy y tuvo nun recital cola fundación de Cultura Kumho Asiana en 2013. En 2014 graduóse na Escuela Yewon y en 2019 completó los sos estudios superiores na Universidá Yonsei, onde estudió col profesor Sang-jin Kim. Anguaño ta estudiando con Nobuko Imai na Escuela Superior de Música Reina Sofía.

Seungju Mun ñació en Corea del Sur en 1991. Dende 2010 hasta 2015, estudió con Kwangho Oh na Universidá Nacional d'Artes de Corea, onde se llicenció en clarinete. Dempués, siguió estudiando con con Joachim Klemm na Hochschule für Musik Dresden, onde fizo tamién un máster nel añu 2016. Diéron-y varios premios nel Concursu de l'Asociación de Música de Corea en Seúl (2006); Primer Premiu nel Festival Eumyoun (2007); Segundu Premiu nel Concursu de Música de Chunchu (2008); y Primer Premiu nel Concursu de Música de Sung-jung (2008). Miembru de la Orquesta Moza Metropolitana de Seúl de 2010 A 2012, y de 2012 a 2014 de la Orquesta de la Policía Nacional de Corea. Dende l'añu académicu 2017-2018, estudia na Cátedra de Clarinete na Escuela de Música Reina Sofía col profesor Michel Arrignon. La Fundación Albéniz concedió-y una beca. Como alumnu, tuvo nel Harmonie Ensemble. Anguaño ye miembru del Cosan Quintet y de la of the Fundación Mutua Madrileña.

Enrique Lapaz ñació en Valencia en 1988. Ganó munchos premios y fizo conciertos nes sales más importantes d'España y Rusia, asina como en Francia, Alemania, Suiza y Noruega. Destaca la so participación en diferentes ciclos y festivales del panorama nacional y internacional. Tamién, ye miembru del "Tríu Syrah", col que espublizó'l so primer CD. Lapaz consiguió'l Grau Superior na Escuela Superior de Música de Cataluña, y dempués fizo estudios de postgráu en San Petesburgo. Hai poco terminó d'estudiar el máster na Escuela Superior de Música Reina Sofía onde ye profesor repertorista nesa institución.

Entrada llibre y de baldre hasta completar aforu

Más información

Casa la Cultura

Plaza Domingo Álvarez Acebal, 2

33402 Avilés. Asturies

T: 985 51 04 39 / 985 51 04 52

HORARIU

Llunes a sábados: 11:00 a 13:00 h y de 18:00 a 21:00 h
Domingos y festivos: 11:00 a 14:00 h

Calendariu d’eventos

anterior Abril 2020 siguiente
ll ma mi xu vi do
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30

Axenda

  • 24/04/2020
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2020 Fundación de Cultura. Conceyu d’Avilés. | Avisu llegal |