Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Música

Música «Conciertos con Historia»

Palaciu de Valdecarzana, 12:30 h Factoría Cultural, 12:30 h

El ciclu Conciertos con Historia, ye'l puntu de partida de la propuesta de Juventudes Musicales de Avilés y el so alcuerdu col Conceyu. Un proyeutu que busca frañer llendes ente intérpretes y públicu, averando la música clásica, el jazz y el folk y estableciendo  bones rellaciones ente distintes artes, al traviés d'actuaciones n'espacios singulares.

Van ufiertase diez conciertos hasta xunu de 2020, a razón d'unu cada mes, nel Palaciu de Valdecarzana y nel espaciu escénicu de la Factoría Cultural, en función del enfoque de cada conciertu.

Los recitales céntrense nuna franxa d'edá entendida ente los 16 y los 50 años, pero busca sobremanera atraer a los más nuevos, nuna redolada distinta, con un ambiente distendíu, con cercanía ente públicu y músicos, n'estilos musicales que diversifiquen la ufierta de la ciudá y nun horariu especial, los domingos al mediu día. Tres los conciertos ufiertaráse un vermú a los asistentes y a los músicos.

 La formación Rhea Quartet va ser la encargada de llevantar el telón del primer ciclu Conciertos con Historia, y va tener llugar el próximu domingu, 15 de setiembre, a les 12:30 hores, nel Palaciu de Valdecarzana.

 Rhea Quartet ta formáu por cuatro nuevos saxofonistes: Pablo Fernández (saxofón sopranu), Iris Guzmán (saxofón altu), Julia Segovia (saxofón tenor) y Jaime A. Serrano (saxofón barítonu). La so trayectoria arranca en 2016 nel Centru Cimeru Karatina Gurska de Madrid, actuando dende entós en distintos espacios culturales nacionales ya internacionales, como'l Centru Cibeles y el Muséu Thyssen-Bornemisza (Madrid), la sala Selmer (París), la Universidá de Música Frederic Chopin (Varsovia). 

Autodefínense como «cuatro músicos comprometíos col llabor interpretativu de manera esixente y crítica», qu'entienden el cuartetu como «mediu de diálogu ente cuatro personalidaes, que'l so oxetivu ye configurar una identidá con un llinguaxe propiu que convida al o a la oyente a xunise como quintu elementu na conversación musical».

Apuesten por espublizar la cultura musical, trabayando con compositores de música de nueva creación. Magar la so mocedá, la formación atropa yá dellos galardones, como'l Primer Premiu na V Competición Internacional de Música de Cámara de Bydgoszcz, o'l Primer Premiu nel X Certame de Música de Cámara Jacobo Soto Carmona. Tamién algamaron el Segundu Premiu na 94ª edición de Mocedaes Musicales d'España, nel VIII Concursu de Música de Cámara Ciudá d'Ávila y na III Rookie Chamber Music Competition. Rhea Quartet recibieron tamién el Premiu Especial a la Meyor Interpretación d'una obra de música clásica española nel VII Concursu Internacional de Música de Cámara Antón García Abril, y el Tercer Premiu nel XX Certame Internacional de Nuevos Intérpretes Pedro Bote.

Repertoriu

Parte 1

Ciudades (2011), de G. Lago (1960)

            I. Sarajevo

Quatuor pour saxophones (1963), de A. Desenclos (1912-1971)

            I. Allegro non tropo

            II. Andante

            III. Poco largo ma risoluto

Una noche en Granada (1935), de E. Cebrián (1890-1962) (Arr.: Jaime Augusto Serrano)

Parte 2

Coral BWV 378 "Mein' Augen schliess' ich jetzt" (1724), de J. S. Bach (1685-1750) (Arr.:

André Cebrián)

Quatuor à cordes en sol mineur (1893), de C. Debussy (1862-1918)

            I. Animé et très décidé

            III. Andantino, doucement expressif

Suite Hellenique (2001), de P. Iturralde (1929 -)

            I. Kalamatianos

            II. Funky

            III. Valse

            IV. Kritis

Ciclu

15 de setiembre

•Rhea Quartet. Palaciu de Valdecarzana. Cuartetu de Saxofones.

20 d'ochobre

•Magalí Sare y Sebastià Gris. Factoría Cultural d'Avilés. Jazz.

10 de payares

•Dalia Quartet. Palaciu de Valdecarzana. Cuartetu de cuerda.

15 d'avientu

•L&R. Factoría Cultural d'Avilés. Folk.

19 de xineru

•Helena Ressureição, De Cuba al Cabaret. Palaciu de Valdecarzana. Mezzosoprano.

22 de febreru

•Cantoría Lenguas Malas. Palaciu de Valdecarzana. Cuartetu Vocal.

22 de marzu

•Ganador/a XXI Concursu Internacional de Viola de Llanes. Palaciu de Valdecarzana.

19 d'abril

•D'urria. Factoría Cultural d'Avilés. Folk.

17 de mayu

•Tríu Mosaicos. Palaciu de Valdecarzana. Tríu con pianu.

21 de xunu

•Zopli2, Músiques del Mundu. Factoría Cultural d'Avilés.

Como aperitivu a esti ciclu conciertos, el pasáu 5 de mayu actuó na Factoría Cultural Quilombo Bacano, un grupu formáu por 9 músicos d'Avilés.

Juventudes Musicales de Avilés

Juventudes Musicales de Avilés, asociación cultural integrada por músicos profesionales avilesinos y avilesines, formóse col obxetivu principal de dar puxu a la música y les enterellaciones artístiques. Danse tres ámbitos d'actuación:

La música en directu

Diez Conciertos con Historia, na Factoría Cultural y nel Palaciu de Valdecarzana.

Música nel Hospital San Agustín

Microconciertos de caúna de les formaciones participantes nos Conciertos con Historia, nel Hospital San Agustín d'Avilés, pa persones que tán males, familiares y trabayadores.

Proyeutu Educativu

Conciertos pedagóxicos de calidá pa neños, neñes y mocedá. A partir del cursu 2020/2021

Juventudes Musicales de Avilés ñaz dende Juventudes Musicales de España, que ta dientro d'una confederación d'asociaciones musicales ñacida en Bélxica en 1940 y xuntes no que la UNESCO definió como'l movimientu cultural mozu más importante del mundu.

Entraes

A la venta'l mesmu día, nel mesmu recintu cultural..............................5,00 €

Más información

Palaciu de Valdecarzana

Cai del Sol, 2

33402 Avilés

T. 985 510 667

  • © 2019 Fundación de Cultura. Conceyu d’Avilés. | Avisu llegal |