Revista dixital de la Fundación de Cultura del Conceyu d’Avilés Añu 2019 -Númberu 25 - Xunetu 2019

cicLaC, centru d'Interpretación del Cementeriu la Carriona, dende la so inauguración el 31 d'ochobre de 2012, vien dando la posibilidá de facer visite guiaes pa que'l públicu interesáu pueda conocer les instalaciones y calase na historia y patrimoniu funerariu asoleyáu na gráfica espositiva del centru, siguiendo cola visita guiada pel cementeriu.

Col sofitu'l programa Primera esperiencia llaboral, el cicLaC organiza estes visites tolos llunes llaborables, entamando a les 11:30 hores. Duren 75 minutos.

Na visita percuérrense los itinerarios «Espaciu d'arte» y «Sitiu de memoria», un paséu peles obres d'artistes asturianos importantes de finales del sieglu XIX y principios del XX, que faen especial esti cementeriu, asina como una alcordanza de les persones enterraes equí  que destacaron na cultura, el deporte, la ciencia y la política.

Cultura, simbolismu, historia, arte funerariu, etc. xúnense nesti «muséu al aire», convirtiendo al cementeriu municipal de La Carriona nún de los más importantes d'Europa.

Pa poder participar nestes visites hai d''apuntase enanates nel teléfonu 985 541 939 o na direición de corréu: museodeaviles@ayto-aviles.es