Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 34 - Ochobre 2021

Apúntate al nuestru boletín

Factoría Cultural

X Nueche Negra n'Avilés

Vienres, 26 de payares en sitios diferentes d'Avilés cola Factoría Cultural como epicentru

Cualquier forma d'espresión artística atopa acoyida y espardimientu nuna Nueche Negra que bebe del Samhain celta, el festexu que da pasu a los meses de la escuridá, de díes curtios y nueches llargues. Una recuperación de la normalidá, cumpliendo toles garantíes sanitaries, con más de 30 actividaes, de pintura, música, danza, vidiucreación, performance, arte con teles, amás de talleres y esposiciones pa tolos públicos, sobre too los que son pa neños y neñes, y tamién varies visites guiaes.

Presentóla güei pela mañana Yolanda Alonso, conceyala de Cultura d'Avilés; acompañada por Anabel Barrio, direutora de la Factoría Cultural; José Manuel Rodríguez Fernández "Truyés", artista plásticu avilesín, autor delc artel d'esta edición; Angélica García de la galería Amaga, y Diana García, responsable executiva d'Amnistía Internacional n'Asturies.

Señaló Alonso "lo importante que ye recuperar la normalidá nuna de les nuestres actividaes más importantes y participatives, que requier munchu trabayu de preparación y la implicación de munches persones y entidaes pa salir p'alantre".

Tamién, resaltó la conceyala, la calidá de toles propuestes, y destacó sobre too lo importante que yera "reivindicar los derechos de les muyeres n'Afganistán, nun momentu tan duru pa elles dempués de llegar al poder los talibanes. Vamos alcordanos d'elles contando cola collaboración d'Amnistía Internacional. El nuestru pensamientu ta con elles".

Les muyeres y les artistes afganes van tar tamién presentes na cai, cola reinterpretación de la obra de la grafitera Shamsia Hassani que van facer ente siete artistes d'Asturies na plaza España. Y tamién cola llectura de manifiestu "Hilos", una vidiuperformance solidaria coles muyeres y neñes d'aquel país, y el taller "Soplos de Libertad", los dos cola collaboración de la ONG.  

Cola Factoría Cultural como noyu de les actividaes, tamién se va salir a la cai, en concreto a la plaza España, y abren de par en par les puertes espacios culturales como'l Niemeyer, el CMAE, la Casa la Cultura, el Muséu de la Historia Urbana, la Escuela Superior d'Arte d'Asturies, la Galería Amaga y Cuéntame un Cuadru, nos que va haber varies actividaes. 

Una imaxen con munchu puxu,  creada por Truyés, ye la que da forma al cartel, nel que s'acolumbra la llucha ente la lluz y la escuridá, exe simbólicu nel que s'afita la cellebración de la cultura que tan bien festexa la Nueche Negra. 

Asinamesmo, hai de destacar, les collaboraciones cola Escuela Superior d'Arte d'Asturies, con un alumnáu que reivindica a les artistes escaecíes de la Bauhaus, tres de la represión nazi, gracies a la esposición-homenaxe que lleva'l títulu de "Luces" y tamién la coleutiva "Tejido Humano", del proyeutu d'arte y tresformación social BERDE, pol que puxa dende Asturies, María Sol Álvarez Yenes y un equipu multidisciplinar, que reivindica la creatividá de les persones con discapacidá intelectual.

Améstense propuestes mui fuertes como'l taller  "¿Esa soy yo?", del artista xixonés Mikha-ez, que se fai preguntes sobre les identidaes colos selfies y los filtros usaos nes imáxenes personales; la vidiuperformance "Sólo sé que no sé nadar", de Cristina Busto, y los diferentes talleres que puxen pola participación.

Too, con un espaciu mui especial pa la infancia, gracies a talleres nos que neños y neñes van calase nel mundu del arte, en recintos diferentes de la ciudá.

Unes cuantes actividaes de baldre, reflexu de la vida cultural y artística d'Asturies y Avilés. Pa participar nos talleres ye necesario apuntase, per teléfonu llamando al númberu 985 548 617 o per corréu electrónicu en nochenegraaviles@gmail.com

Programa

FACTORÍA CULTURAL

LA VENTANA DE LA FACTORÍA CULTURAL

18.00 hores. VIDIU ARTE / IV CICLU "REALVIRTUAL". MARÍA CASTELLANOS. Noemí Iglesias "Las historias reales de Off Love". Una riestra de 4 testimonios que reflexen les esperiencies de verdá que delles veces sienten los usuarios y les usuaries d'aplicaciones de cites. La obra ta dientro de la instalación Off Love producida gracies a la beca Lab-Joven Los Bragales

18.00 hores. II CICLU D'ILUSTRACIÓN. RAQUEL LAGARTOS. María Ortiz inaugura la esposición "La ilustración y sus procesos" que combina vidiu  y ilustración pa desvelar los aspeutos ocultos de la creación artística.

FUERA  DE LA FACTORÍA CULTURAL

18.00 hores. VIDIU / PERFORMANCE. AMNISTÍA INTERNACIONAL. Acción artística / Performance de solidaridad con las mujeres afganas. Los hilos que entretejeremos en la Factoría Cultural entre todas las personas que participen servirán para denunciar la situación actual en Afganistán, para mostrar apoyo a las mujeres y niñas y colectivos más desfavorecidos en ese país y, sobre todo, para enviar esperanza a la población más vulnerable.

21.00 hores. LLECTURA MANIFIESTU "HILOS". AMNISTÍA INTERNACIONAL. Filos que lleguen dende cualquier sitiu, dende cualquier cultura, dende cualquier clase social, pa dar "muerte a la escuridá" y que dende Avilés, dende Asturies, Amnistía Internacional y los sos collaboradores, pretenden entemecese  cola xente p'amosar el so sofitu y reconocencia de los derechos de les muyeres y neñes afganes. Reinterpretamos l'ARTE de Shamsia Hassani, primera muyer grafitera afgana que-yos dio voz a les muyeres del so país nos sos murales escontra los talibanes y que nos sirve pa conocer non sólo la obra, sinón tamién polo que nagua o los gritos de llibertá al traviés de la simboloxía de les sos pintures.  

ESPOSICIONES - CONCIERTU - DANZA

19.00 hores. ARTISTES DE LA GALERÍA AMAGA. (Covadonga Valdés More y Alfredo Díaz-Faes. GALERÍA OCTÓGONO: Andrés Gabarrés.

19.30 horas. CONCIERTU CONSERVATORIU JULIÁN ORBÓN. Clase d'armonía moderna del Conservatoriu Julián Orbón, col profesor Javier Rubio.

20.00 hores. ESCUELA DE DANZA MYRIAN CHAMORRO Y MÓNICA NÚÑEZ. Grupu de Danza Moderna, Rebeca Ibáñez. Bailes Latinos, Meel Toglone y Sergio Luna baillen coreografía fusión.

TALLERES

18.30 hores. ESTAMPACIÓN DE PAÑUELU DE LA NUECHE NEGRA 2021. ¡Llévalu puestu!, con Fernanda Álvarez.

17.00 a 20.00 hores. MIKA-EZ. ¿ESA SOY YO?           Cuestiones d'identidá dende'l selfie y los filtros. Trabayar los filtros d'Instagram como maquillaxe social. Edición de los retratos dixitales y impresión en Riso. Construcción d'identidaes (Yo + comunidá). Intervención gráfica de le siomprensiones de los demás (idea de que la construcción d'identidaes ye la suma de lo que soi YO, lo que Yo quiero ser pa los demás y lo que los OTROS faen que seya). Reflexón sobre'l material plantegáu por cada persona y lo que fixeron los demás nél.

17.00 a 21.00 hors. COLEUTIVO BERDE. TEXÍU HUMANU, PROYEUTU DE CREACIÓN COLEUTIVA.

•Usando teles y ropa reciclao, Raquel Sakistán, artista de l'Asociación Berde, propón cambiar l'espaciu y la forma na que nos rellacionamos con él. Entemecer, xuntar, xunir, a los y les participantes d'una forma que pue vese o non...Crear escultures, pieces que t'envuelven y se funden cola arquiteutura, llanzar filos qu'enanchen la nuestra enerxía, xuntar coses y metenos nun tapiz tridimensional y interactivu que se va crear ente toles persones que vayan. Un grupu de collaboradores con diferentes intelectualidaes van entamar a da-y forma a esta obra coleutiva y poco a poco la participación va dir abriéndose a quien-y preste xunise. #PARTICIPANTES. Raquel Sakristán, Rive Díaz Bernal, Carlota Nelson, Verónica Ardúa y María Sol Álvarez.

19.00 a 21.00 hores. AMNISTÍA INTERNACIONAL. TALLER SOPLOS DE LLIBERTÁ.

•Hassani escoyó una planta mui conocida, la xiblata, pa representala nos sos murales. Esta planta ta nos praos, en cualquier requexu, a la vera les caleyes. "Igual ye porque los nuestros suaños ñacieron nun tiestu negru". Ye tan bona pa la salú que nun hai dulda nenguna de que se-y da munchu valir precisamente por eso. Pero, hai dalgo menos práutico que nos fae que reparemos nella. Yá destacamos dende l'entamu que los que nos llama l'atención al vela ye precisamente esa "corona de pelinos delicaos". Preparar el tiestu, crear "un molín de vientu", dímbolu de la xiblata. Poné-y lluz led símbolu de la esperanza, escribir un mensaxe que cada persona dexe nel tiestu pa les muyeres y les neñes afganes, colocar los tiestos, como muestra de sofitu y solidaridá.                            

18.00 a 20.00 hores. ESPACIU ÓVALO. SUSANA PERANCHO GÓMEZ "ESPEYÍN ESPEYÍN". Espeyos efeutu "wow". Espeyos clásicos actualizaos, modernos personalizaos, doraos con toques chic. Distintes téuniques, distintos resultaos. Rosana García.

17.00 / 18.00 / 19.00 hores (tres turnos). LLUNaición. TALLER INFANTIL. Taller infantil, Natalia Suárez Álvarez. LLUNAición, ciclu completu de les fases de la lluna, los cambios que paez que se pueden ver de la parte que se pue ver iluminada del satélite, debido al so cambiu de posición respeutu a la tierra y al sol.

Pa participar nos talleres hai d'apuntase primero, llamando al teléfonu 985 548 617 o mandando un corréu electrónicu a nochenegraaviles@gmail.com

ESCÉNIQUES

18.30 hores. PROYEICIÓN DE BRIANNA (12"). Curtiumetraxe dirixíu poles alumnes del taller "L'arte escénicu y la so dixitalización" que va dar David Rodríguez Muñiz: Alejandra Figueroa, Eva Chedas, Ana María Ruiz, Valle Suárez, Tania Tbaili, Laura Rodríguez, Silvia Díaz, Aída Hadid. Actores: José Busto y Carmen González.

20.00 hores. ESPECTÁCULU CREÁU POLA COMPAÑÍA POMPAS & POMPONES. Bruxes y Burbuxes, métete nesta aventura de misteriu, maxa y xabón. Historia cuntada a través de pompes de xabón.

20.00 / 21.00 hores (dos pases). VIDIU PERFORMANCE, CRISTINA BUSTO Y DANIEL ROMERO.

•"Sólo sé que nun sé mandar" por Cristina Busto. Cámares en direutu y proyeiciones, acompañaes del sonidu amplificáu de los oxetos que manipulamos, forma esta rede de dispositivos, que van crear una atmósfera na que calase como si fuere una piscina, na que flotar y oyer los cruces de los dos artistes mientres se faiga la performance. Tar dientro de dalto tan normal, tan de la vida de tolos díes  como dir a clase de natación na piscina municipal, pa terminar pensando na guapura y na vieyura. "Nadar ye como sinónimu de sabencia, al ver a les señores nadando como tolines na cai d'al llau, mientre yo hiperventilo y nun soi a flotar, pienso que tengo muncho que deprender d'elles. Prestaríame siguir esta llinia más p'allá d'esti proyeutu puntual, falar coles muyeres mayores, eses que yá nun interesen a la sociedá, proque los sos cuerpos yá nun son l'oxetu al qu'hai d'esplotar. per otru llau hai una reflexón sobre la vieyura, sobre cómo podemos cambiar l'esquema de qu'esta pue ser una etapa de la vida tamién mui bona".

21.30 hores. PIEZA "EN PEDAZOS". Coreografía y  interpretación  por Myriam Chamorro y Rebeca Ibáñez. Música: Alexander Siebert. Poesía: Ramón Buitrago. Voz: Rocío Bracero.

PLAZA DEL AYUNTAMIENTU

PINTURA NA CAI

16.30 a 21.00 hores. 7 ARTISTES INTERPRETEN LA OBRA DE SHAMSIA HASSANI. Favila, Carmen Peláez, Carlos García Velasco, Covadonga Casado, Samuel Armas, Ana Aparicio y Sonia García. Dos díes dempués de que los talibanes ocuparan Kabul, la grafitera afgana, Shamsia Hassani publicó nes sos redes sociales una obra que representa a una muyer de rodilles nel suelu, coles manes tapándose la cara de dolor y con un tiestu con una llecherina plantada- que nun grafiti anterior tenía garráu coles manes- tiráu en suelu. Al llau d'ella, una figura de paisanu ta de pie y sólo se-y pueden ver los zapatos, los pantalones y una mano en forma garra aguantando un fusil. Un personaxe femenín - na obra de l'activista siempre apaez- que representa orgullu, allegría, ruidu, ciñu...Y que se ve amenazáu pola fuerza les armes, del mieu y la opresión...

CONCIERTU

18.00 hores. CONCIERTU DE COVERT PLANET. Israel Sánchez y Sonia Díaz.

CASA LA CULTURA

17.00 a 20.00 HORES. VIDIU/ARTE / IV CICLU "REALVIRTUAL" MARÍA CASTELLANOS. Noemí Iglesias, "Les histories de verdá d'Off Love".

17.00 a 20.00 hores. ILUSTRACIÓN, con Raquel Lagartos.

17.00 a 20.00 hores. ESPOSICIÓN "AMUESA D'ARTE MOZU". Participación del alumáu de la Factoría Cultura nel taller infantil de Sofía Hurtado.

20.00 hores. CONCIERTU DEL ALUMNÁU DE VIOLA Y VIOLONCHELU DEL CONSERVATORIU JULIÁN ORBÓN. Profesores Rubén Menéndez y Katalin Illés.

GALERÍA AMAGA

Dende les 17.00 hores. ESPOSICIÓN "CAMINOS DE LA TARDE". De Covadonga Valdés More. Participación del alumnáu de la Factoría Cultural nel taller infantil de Covadonga Valdés y Román Fernández Crespo.

CENTRU NIEMEYER

Dende les 17.00 hores. VISITA DE LA ESPOSICIÓN DE JOAN PONÇ "LA ESENCIA DE LO MÁXICO". Participación del alumnáu de la Factoría Cultural nel taller infantil por Benjamín Menéndez.

A partir de les 17.00 hores. Participación del alumnáu de la Factoría Cultural nel taller infantil por Diana Coanda, "Pincelaes nocturnes nel Niemeyer".

De 17.00 a 21.00 hores. Visita de baldre a les esposiciones de JOAN PONÇ. TRES MUYERES MAGNUM, EVE ARNOLD, INGE MORATH Y CRISTINA GARCÍA RODERO.

MUSÉU DE LA HISTORIA URBANA D'AVILÉS

Dende les 18.00 hores. Participación del alumnáu de la Factoría Cultural na visita de la esposición permanente y nel taller infantil por Marta Guardado.

De 18.00 a 19.00 hores. Visita guiada de baldre

19.00 hores. CONCIERTU ENSEMBLE DE FLAUTA TRAVESERA DEL CONSERVATORIU JULIÁN ORBÓN. Direutora, Begoña Vázquez.

CMAE

Dende les 17.20 hores. Participación del alumnáu de la Factoría Cultural na visita de la esposición In Itinere, por Jesús Castañón, y nel taller infantil por Lola Varela.

De 17.20 a 19.20 hores. Visites guiaes a la esposición con Jesús Castañón

ESCUELA SUPERIOR D'ARTE D'ASTURIES

15.30 a 20.30 hores. LLUCES. ARTISTES ESCAECÍES DE LA BAUHAUS.

•Un homenxe a les muyeres artistes que tán na escuela d'arte Bauhaus dende que se creara en 1919 hasta 1933, momentu nel que'l partidu nazi impón el pieslle fulminante y la so obra queda arrequexada a la solombra y el silenciu. En 14 años, munches muyeres desenvolvieron una actividá artística multidisciplinar y vanguardista ensin precedentes cola que contribuyeron a la emancipación, equiparación de derechos y llucha poles llibertaes de la muyer, siempre reducida al ámbitu domésticu o al nome de les sos pareyes masculines. Esta esposición fai un homenaxe a 14 d'eses artistes nuna coleición de lámpares de diseñu que van llevar los sos nomes, col oxetivu de recuperar la so memoria y puxar pol reconocimientu de la so obra artística. Alumnáu participante 2P / Volumen/ Alberto Fernández. Carla Amado, Alejandro Cuervo, Ángela Díaz, Eva del Mar Domín- guez, Ana Fernández, Paloma Lorenzo, Juan Carlos Macías, Lilia María Macías, Julia Maroto, Leah Masschelein, Álvaro Méndez, Ignacio Prieto, Sara Tarque, Alejandro Vega.

                 

CUÉNTAME UN CUADRU

De 20.00 a 21.30 hores. TALLER "PINTURA ZEN. TÉCNICA DEL SUMI E". El Sumi-e (sumie o suiboku) ye una téunica de pintura ancestral con orixen en China. L'orixen del Sumi-e  rellaciónase cola dinastía Tang y los monxos budistes que la llevaron pa Xapón. Ellí, rebautizáronla los xaponeses col nome de Sumi-e. Sumi,. que significa tinta, y pintura. Esta Nueche Negra, dende Cuéntame un Cuadru, proponémosvos conocer y practicar esta técnica oriental nun ambiente mui prestosu. Con un taller mui práuticu vamos facer varies ilustraciones basándonos nel deprendimientu de los conocíos como los cuatro nobles (cuatro plantes): la cirolar china, la orquidia, el bambú y el crisantemu. Dende los 14 años (Ye necesario apuntase enantes) Laura Tarrazo.

Programa

Más información

Factoría Cultural d'Avilés

Av. de Portugal, 13

33402 Avilés. Asturies

T 985 548 617

HORARIU DEL CENTRU

Llunes a vienres • 09:00 a 14:00 h / 16:30 a 21:00 h

Calendariu d’eventos

anterior Setiembre 2022 siguiente
ll ma mi xu vi do
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2022 Fundación de Cultura. Conceyu d’Avilés. | Avisu llegal |