Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 32 - Abril 2021

Apúntate al nuestru boletín

Factoría Cultural

Factoría Cultural «XXXV Aules Populares d'Avilés (AUPA). Xineru/xunu 2021»

Les Aules Populares d'Avilés cumplen la so XXXV edición, y fáenlo con una ufierta de 57 talleres y seminarios de diferentes disciplines, de los que 20 son novedá

Con un total de 492 places, y empobinaos a persones mayores de 16 años, el plazu d'inscripción abre'l xueves 18 de febreru, pal antiguu alumnáu, y el llunes 22, pal nuevu.

Les clases entamen el 8 de marzu hasta'l 30 de xunu.

Una ufierta formativa mui completa en disciplines artístiques, educatives y culturales, que se van desenvolver na Factoría Cultural, el Centru Cívicu de Los Canapés, y les antigües Escueles del Altu'l Vidrieru.

Los nuevos cursos ufiertaos son los que vienen darréu:

Pintura del Renacimientu del sieglu XVI/Cinquecento, Dibuxu de copia clásica y anatomía, Dibuxu dixital y diseñu, Bailloterapia, Baille coreográficu, Yoga sele y yoga nivel mediu, Braille, Retratu de productu, Dixitalización d'imaxes y diapositives, Cerámica: formes y téuniques orientales, L'arte de cuntar cuentos, Italianu II, Francés, Forráu de zapatos, reciclax de ropa y tiñíu, Tornu de porcelana, Confeición de dengues y mandiles, Alimentación y cocina saludable, Usu del smartphone y Internet básicu.

Nel casu del yá tradicional cursu de Baille de Salón (aniciu) habrá de tenese en cuenta que la matrícula ye pa pareyes de convivientes. Pa persones que nun puedan cuntar con una pareya conviviente programóse'l taller de Baille coreográficu.

La matriculación podrá facese de forma presencial, solicitando enantes una cita, al traviés de los Servicios d'Atención Ciudadana del Conceyu y l'edificiu El Focu, en Villalegre. Tamién de forma telemática, nel enllaz http://www.aviles.es/TSAviles.

Matriculación online

Namás pa persones empadronaes nel conceyu d'Avilés.

La matrícula hai de facela na web municipal, nel enllaz http://www.aviles.es/TSAviles. Podrán apuntase les persones mayores de 16 años. Les persones mayores de 18 años tendrán de poner el so NIF, fecha de nacencia y númberu de teléfonu móvil. Pa que s'apunten persones menores de 18 años habrá que poner el NIF, fecha de nacencia y númberu de teléfonu móvil del tutor/a.

La tramitación de la matrícula al traviés de la web municipal, considérase terminada dafechu en pagando y nun ye necesario apurrir nengún xustificante de pagu.

A la fin del procesu de matriculación ON LINE podrá descargase el localizador d'inscripción como garantía de la matrícula.

Les notificaciones sobro les incidencies que se produzan van mandase al teléfonu móvil del interesáu/ada o nel so casu al del tutor/a de los menores d'edá.

Feches de matrícula online

Antiguu alumnáu: dende les 00.00 hores del día 18/02/21 hasta les 23.59 hores del día 21 /02/21, pa les persones que tuvieron matriculaes nel últimu cuatrimestre de la edición XXXIV y que deseyen matriculase na edición XXXV, nun garantizándose que la reserva seya nel mesmu taller ó seminariu, porque la matrícula faise por rigurosu orde d'inscripción.

Nuevu alumnáu: dende les 00.00 hores del día 22/02/21 hasta les 23.59 hores del día 03/03/21.

Pa cualquier dulda o incidencia relativa a la inscripción ON LINE, les persones interesaes pueden mandar un  corréu a  aupaaupaviles.es.

Matriculación presencial

La matrícula va realizase, con cita previa al traviés de la páxina web http://aviles.es/web/ayuntamiento/cita-previa nos Servicios d'Atención Ciudadana (S.A.C.) allugaos na Casa Consistorial del Conceyu d'Avilés y nel Centru de Servicios El Focu (Villalegre), los llunes, miércoles y vienres de 8.30 a 14.00 hores, y los martes y xueves n'horariu continuu de 8.30 a 16.30 hores o bien, también con cita previa, nes instalaciones de la Factoría Cultural allugaes na Avenida de Portugal, 13 d'Avilés, de llunes a vienres n'horariu de 09.00 a 14.00 hores. Los miércoles, tamién dende les 17.00 hasta les 19.00 hores.

Nel momentu d'apuntase emitiráse una autolliquidación pa pagar la matrícula. L'abonu podrá realizase en cualquier Oficina de Liberbank. En pagando, va ser necesario presentar el xustificante de pagu, enantes de terminar el tiempu de matrícula, nos Servicios d'Atención Ciudadana (SAC) de la Casa Consistorial, del Focu o de la Factoría Cultural d'Avilés.

La matrícula va ser por rigorosu orde d'inscripción, pudiendo apuntase como reserva nos talleres y seminarios que se completaren, incorporándose a los mesmos en casu de baxes o duplicación. Cada persona namás va poder matricular como muncho a tres persones. Si se siguiere col pieslle perimetral qu'afecta al conceyu, tol alumnáu empadronáu n'otros conceyos va poder aputase per corréu electrónicu aupaaupaviles.es facilitando'l so nome y apellíos, NIF, señes, teléfonu de contautu, fecha de nacencia y actividá na que se quier apuntase. En matriculándose, van recibir indicaciones pa poder pagar. Si llevantaren les restricciones qu'afecten a la entrada y salida del conceyu d'Avilés o a otros conceyos, la matriculación tendrá de facese con cita previa nel Serviciu d'Atención Ciudadana o de la Factoría Cultural d'Avilés.

Feches de matrícula presencial

Antiguu alumnáu: Dende les 8.30 hores del día 18/02/21 hasta les 14.00 hores del 19/02/21 pa les persones que tuvieron matriculaes nel primer cuatrimestre de la edición XXXIV y que deseyen matriculase nel segundu cuatrimestre de la edición XXXIV, nun garantizándose que la reserva seya nel mesmu taller o seminariu, porque la matrícula faise por rigorosu orde d'inscripción.

Alumnáu nuevu: Dende les 8.30 hores del día 22/02/21 hasta les 14.00 hores del día 03/02/21

Devolución de matrícula

La matrícula va devolvese nestos casos:

•·         Por anulación del taller o seminariu o por cualquier cosa de la ue tenga culpa la Fundación Municipal de Cultura.

•·         Cuando la persona matriculada solicite per escritu l'anulación de la so matrícula enantes del 4 de marzu nel Serviciu d'Atención Ciudadana (S.A.C.).

Asistencia

L'asistencia a les clases ye de calter voluntariu. Darase un diploma d'asistencia a los y les participantes que fueren polo menos al 80 % de les sesiones y lo soliciten.

Observaciones

La Fundación Municipal de Cultura pue anular aquellos talleres y seminarios nos que nun s'algamó'l númberu mínimu d'inscripciones, también doblar aquellos nos qu'esista un eleváu númberu de solicitúes en llista d'espera. El númberu mínimu de matrícules por que un seminariu/taller pueda llevase a cabu va ser el 75% de les places ufiertaes. La Fundación Municipal de Cultura pue cambiar horarios, centros y docentes previstos y también suspendelos per un tiempu en función de la situación sanitaria.

 

Más información

Factoría Cultural d'Avilés

Av. de Portugal, 13

33402 Avilés. Asturies

T: 985 548 617

aupa@aupaviles.es, eceramica1@aviles.es, eceramica@aviles.es

HORARIU DEL CENTRU

Llunes a vienres • 09:00 a 14:00 h / 16:30 a 21:00 h

  • © 2021 Fundación de Cultura. Conceyu d’Avilés. | Avisu llegal |