Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Estaya de la Llingua

Estaya de la Llingua «XVII Seronda n'Avilés»

Plaza Herrmanos Orbón (Les Aceñes), 25 y 26 d'ochobre

La plaza Hermanos Orbón (Les Aceñes) acueye esti vienres y sábadu la XVII Seronda n'Avilés, centrada nes tradiciones populares d'esta época del añu.

La última fin de selmana d'ochobre yá ta marcada en coloráu por toles avilesines y avilesinos. Dende l'añu 2003 estos díes tán dedicaos na villa a celebrar la seronda y disfrutar de la cultura asturiana.

La música y el baille del país, la gastronomía y el teatru costumista nun falten nesta cita qu'entama la Federación d'Asociaciones, Xuntanza, en collaboración col Conceyu d'Avilés, y la participación del Mercáu Ecolóxicu y Artesanu y l'Asociación Cultural Piniella. La inauguración oficial sedrá a les 19.30 hores cola actuación de la Banda Gaitas El Trasno, anque pela mañana yá hebo actividá na carpa puesta en Les Aceñes con xuegos populares pa la reciella y el taller Naguando polo sano.  '¡Magüestu, esfoyaza y folixa!', amás d'animación musical nel llugar por parte de Los Gascones.

A les 19 hores yá va abrir la carpa, con sidra, castañes y tortos nel chigre, mientres qu'a les 20 hores va haber una amuesa de bailles y sones tradicionales colos grupos Escontra'l Raigañu y Xaréu d'Ochobre. La Nueche en Danza, entama a les 22.30, y enriba l'escenariu van poner la música los grupos 6 Riales y Cantaruxare.

Pote pa xintar

Mañana l'actividá na carpa entama a les 10.30 hores, con animación y cantares de chigre, con cantantes de la Escuela de Tonada d'Anabel Santiago. A les 14.30 hores  fadráse una xinta popular col pote de berces y arroz con lleche a un preciu de 5 euros.

La representación, a les 18 hores, de 'El molín encarnáu' por Santa Bárbara Teatro va protagonizar la tarde, que va siguir con música. A les 20.30 hores actuación d'Héctor Braga y a les 22.30, La Bonturné, encargándose de pesllar la folixa Los Kikos del Maíz.

Más información

Estaya de la Llingua

Casa la Cultura d'Avilés

Pl Domingo Álvarez Acebal, 2

33402 Avilés. Asturies

Tfn.: 985 545 508 

estayallingua@ayto-aviles.es

http://www.llinguaviles.com/

HORARIU

Llunes a vienres • 9:00 a 14:00h

Calendariu d’eventos

anterior Avientu 2019 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Axenda

Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |