Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Estaya de la Llingua

Estaya de la Llingua «Concursu de Microrrellatos El Hórreo de El Carbayedo»

Unviu de trabayos hasta'l 14 d'avientu de 2019, 14:00 h

Col aquel d'animar a la creación lliteraria en llingua asturiana, l'Asociación de Vecinos El Hórreo del Carbayedo, en collaboración cola Estaya de Normalización Llingüística del Conceyu d'Avilés, dependiende del Serviciu de Promoción Cultural de la Conceyalía de Cultura, y col sofitu del Conceyu d'Avilés, entama'l XIII Concursu de microrlleatos n'asturianu «L'Horru d'El Carbayedo».

Al concursu pueden presentase hasta dos rellatos orixinales, que nun se presentaren n'ediciones anteriores y que nun pasen de les 500 pallabres. La temática ye llibre, pero la redacción tendrá de respetar les normes ortográfiques y gramaticales marcaes
pola Academia de la Llingua Asturiana.

El plazu pa presentalos piésllase a les 14 hores del llunes, 16 d'avientu de 2019. La presentación ha facese per corréu lletrónicu, unviando los rellatos en formatu WORD a: avvelhorreo@yahoo.es

Los trabayos dirán encabezaos per un títulu y firmaos namás con un nomatu/pseudónimu. Nel corréu lletrónicu axuntaráse un archivu aparte, que la organización (A. VV. El Hórreo) guardará en  secretu, ensin que'l xuráu pueda conocelu enantes del fallu, colos datos siguientes: nome, DNI, teléfonu, señes, e-mail, y títulu/os presentáu/os al concursu.

El primer premiu ye de 500 euros y troféu; el segundu, de 300 euros y placa. Los dos premios nun pueden recayer nel mesmu/a autor/a. El vienres, 20 d'avientu, un xuráu formáu por reconocíes personalidaes de la cultura asturiana determinará los trabayos ganadores.

La entrega va facese'l vienres, 10 de xineru de 2020 y nella los/les autores lleerán los rellatos premiaos y recoyerán los trofeos, a les 19 hores, na Sala Escénica de la Factoría Cultural (Avda. de Portugal, 13-15, Avilés).
Como ye vezu nesti concursu, tolos rellatos presentaos, premiaos o non, van esponese al públicu presentaos en paneles adecuaos na propia Factoría Cultural, ente'l 8 y el 10 de xineru.

Más información

Estaya de la Llingua

Casa la Cultura d'Avilés

Pl Domingo Álvarez Acebal, 2

33402 Avilés. Asturies

Tfn.: 985 545 508 

estayallingua@ayto-aviles.es

http://www.llinguaviles.com/

HORARIU

Llunes a vienres • 9:00 a 14:00h

Calendariu d’eventos

anterior Avientu 2019 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Axenda

Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |