Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 31 - Xineru 2021

Apúntate al nuestru boletín

Esposiciones

Esposición «Guah.es mineros. La memoria de los neños del carbón»

Muséu de la Historia Urbana d'Avilés (MHUA). 22 de xineru al 14 de marzu de 2021

El Muséu de la Historia Urbana d'Avilés (MHUA) fai un repasu a la historia nun tan lloñe del trabayu infantil n'Asturies, gracies a la esposición Guah.es mineros. La memoria de los neños del carbón.

Ye una amuesa retratos y paneles que trae a la memoria la realidá dura y de tolos díes que durante munchu tiempu foi'l trabayu infantil n'Asturies. Céntrase nesti casu na minería, nos guah.es. Dalgo, desgraciadamente tovía presente anguaño en países subdesarrollaos o en víes de desarrollu.

Acompáñase tamién d'un vidiu onde homes y muyeres, yá mayores, como testimoniu d'historia oral, acuérdense d'aquellos trabayos de guah.es que facíen nes esplotaciones mineres asturianes. Una esposición que fai alcordanza y rinde homenaxe a les persones que dende mui pequeñes contribuyeron a crear l'estáu de bienestar d'anguaño.

La esposición tamién avera una mirada al presente, con imáxenes cedíes por UNICEF qu'enseñen lo duro d'esi trabayu y la esplotación infantil en países d'América Llatina, África y Asia.

Too esto, con una presentación preparada nun llinguax cenciellu, afayadizu, con una cantidá d'imáxenes importante fecho too por persones con discapacidá intelectual, per aciu de l'asociación Plena Inclusión Asturias.

Trátase d'una producción de la Fundación Obra Social del Montepío, cola collaboración d'entidaes como Plena Inclusión Asturias. Servicio Adapta Asturias, el Muséu del Pueblu d'Asturies, UNICEF o l'Archivu Históricu Mineru d'Asturies.

Más información

Muséu de la Historia Urbana d'Avilés

Cai de La Ferrería, 35

33402 Avilés

Tfn.: 985 565 512

museodeaviles@ayto-aviles.es

HORARIU

Martes a vienres • 10:30 a 13:30h / 16:00 a 20:00h

Sábados • 11:00 a 13:30h / 16:00 a 20:00h

Domingos y festivos • 11:00 a 13:30h

Llunes pesllao

 Ye obligatorio llevar mázcara y cumplir coles midíes que marque'l personal del muséu.  

Calendariu d’eventos

anterior Febreru 2021 siguiente
ll ma mi xu vi do
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2021 Fundación de Cultura. Conceyu d’Avilés. | Avisu llegal |