Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 25 - Xunetu 2019

Apúntate al nuestru boletín

Esposiciones

Esposición «IV Esposición Internacional d'Arte Postal n'Avilés: l'agua»

Palaciu de Valdecarzana. Dende'l 17 de xunu hasta'l 11 de xunetu de 2019

Avilés acueye la IV Esposición Internacional d'Arte Postal y collabora con CORREOS, entidá dinamizadora del proyeutu, amás de ser un mediu imprescindible pa que les más de cuatrocientes obres postales que llegaron a Avilés dende 32 países -siendo munchos más países y de mailartistes que l'añu anterior-, colinguen de les muries del palaciu de Valdecarzana, sede de la convocatoria, confirmando con esta bona rempuesta qu'esta iniciativa avilesina nel universu l'arte per corréu ta enforma afitada.

Yá sorprendía na edición d'enantes ver cómo calaba naObra d'Ana I. Sanz Blesa (España) comunidá educativa la convocatoria que saliere d'Avilés -dalgo que nun pasa n'otres convocatories nacionales o internacionales-, y que nésta crez y conquista un espaciu mui importante na bayura de mailartistes participantes. Esto nun pasa sólo a nivel de casa cola collaboración d'Artes y Oficios, el Colexu San Nicolás de Bari, l'IES Ramón Menéndez Pidal (onde usen esta actividá como un trabayu académicu dientro'l programa de Bachiller d'Arte), la Factoría Cultural, o'l CAI de Villalegre (FASAD); sinón tamién cola participación d'otros sitios d'Asturies, como la Fundación Vinjoy-Centru de Normalización a Través del Arte (Uviéu).

Obra de Favila (Artes y Oficios d'Avilés)Dende más p'allá de la llende astur llegaron trenta obresObra d'Anja Cristine Rob (Alemania) postales feches con barru (sí, postales de barru) de la Escuela de Cerámica de Puertollano «Alfar Arias» (Ciudad Real), onde otros tantos mailartistas bien mozos inmortalizaron en barru mensaxes relativos a la xestión afayadiza y bien necesaria que tien de facese del agua, concienciándose tamién nello. Dende la Corporación Semiótica Galega (COSEGA), centru referente en poesía visual y otres manifestaciones artístiques, tamién s'incorporaron a la iniciativa d'Avilés coles sos creaciones.


Obra d'Ayse Ceuk (Universidá de Trkya. Turquía)Y cada vez son más les instituciones educatives internacionales qu'usen la convocatoria Mail Art d'Avilés pa espresase y comunicase, con un movimientu d'obres postales que lleguen hasta la nuestra ciudá. Dende Turquía participaron profesores y alumnáu de les universidaes rellacionaes col arte y otres rames del conocimientu de Trakya Üniversitesi, d'Adiyaman Üniversitesi (ADYÜ) y de Namik Kemal ÜniversitesiObra d'Anna M. Matone (Italia) (GSTM). Dende Brasil fueron la Universidá Federal de Santa María, la Escola Superior de Propaganda y Marketing (ESPM) y el Grupu Gralha Azul. ¿Qué supón esti enterés tan grande dende l'ámbitu académicu, nacional y intenacional, pola convocatoria d'Avilés y sólo cola d'Avilés? Pa contestar habrá d'esperar a tener una visión más completa pa poder llegar a una conclusión; fai falta más tiempu y más convocatories p'afondar nello, anque igual una de les razones podría ser l'interés con cómo se puxa dende Avilés pola participación d'estes estayes tan importantes.

Anderson Luiz de Souza (Brasil)Un movimientu que ñació yá na primer convocatoriaDalexis Triana Escorza (Ecuador) avilesina en 2016 ye'l de la «instalación postal»,, una tendencia creativa bien nueva que llegó pa quedase con obres del madrileñu Domingo Sanz y de la finlandesa  Anja Matila-Tolvanen, y que nesta edición s'afita con propuestes suxerentes como'l Buzón de Correos bajo el agua, o Agua y caracoles, les dos del enantes nomáu Sanz. Si na edición anterior les nueves teunoloxíes facíen actu de presencia con varies llitofaníes impreses con fabricación auditiva, nesta ye la postal de brille la qu'entra fuerte como novedá y que vien de Turquía.

Obra de Carmen Peláez (Artes y Oficios d'Avilés)Asina, un cientu mailartistes de tol mundu inspiráronse nel agua, otru de los elementos que xunto col fueu de la edición del añu anterior, l'aire y la tierra (tema de la siguiente convocatoria) son imprescindibles pa que s'afite la forma cerámica.

Agua que pue tocase o non, agua cristalina de ríos deObra de Sinen Korkut (Universidad de Trakya. Turquía) vida, rosada al alborecer, xelaes col fríu del iviernu, agua agrio, agua bendito o agua que mata'l fueu del secañu, agua que falta nel tarrén ermu o nel corazón, o que cuando ye muncho, desbordao y arrasando, afuega y termina con too; agua domesticao infravalorao de sociedaes privilexaes, agua qu'hai de xestionar con responsabilidá, preocupación que se repite nos mensaxes qu'apaecen en tantes postales de la convocatoria, asoleyando procuru urxente pa col planeta onde ta tol mundu implicáu pa parar el cambiu climáticu.

Obra de Domingo Sanz Montero (España)L'agua en toles sos manifestaciones como recursuObra de R&Linyi (España) creativu foi cómplice pa que más de cuatrocientos mailartistas d'inspiraren pa, de manera solidaria y altruista como ye propiu del espíritu universal del Mail Art, da-y forma a un mar de propuestes artístiques y espresives sorprendente que conforma la IV Esposición Internacional d'Arte Postal n'Avilés. Asina, dende una obra postal qu'amuesa una  «paridera» xienense de barru usada poles muyeres preñaes d'esta fastera de la xeografía española pa parir, en «rompiendo agües», hasta otros cacharros tamién de barru y identitarios de sitios diferentes de la península rellacionaos coles «agües mayores y menores», o un llagu qu'encatuxa fechu en gres y cocíu a temperatura alta por Carmen Suárez (Escuela de Cerámica del Conceyu d'Avilés), o un llarimeru pa guardar les llárimes de les plañideres, o un péndulu «pa buscar agua» basáu na téunica zahorí qu'atopa la radiación electromagnética emitida pol agua soterráneo, obra d'Ánxel Sanz, profesor de Diseñu de Texíos de la Escuela d'Arte de Granada.

Obra de Lynn de Zeeuw (Bélxiica)Mares, océanos, ríos y fontes, llagos y costes reales oObra de Jerzey Stepniak (Polonia) atrayentemente increyibles, contenedores «ecolóxicos» d'agua representaos por botixos asturianos qu'intenten apartar cacharros de plásticu, milagru decimonónicu que se tornó mortal pal ecosistema (los océanos tienen de ser d'agua, non de plásticu); pexes de mil formes y colores; sirenes encantaes; paragües d'arcoiris qu'anuncien cielos tormentosos que tamién anuncien lluvia; boles del mundu n'azul y verde...y tolo que'l maxín, que ye como un ríu que fluye de siguío y que nun para enxamás, pue crear. O refranes que nun se pueden contradicir como Agua que nun has de beber, déxala correr. Agua pasao nun mueve molinos. Cuando'l ríu suena, agua lleva. Agua corriente, nun mata a la xente...

MARH (España)La IV Esposición Internacional d'Arte Postal n'Avilés camuda la forma d'entender l'arte, fiel al movimientu que xurde na década los sesenta del sieglu pasáu, promovíu pol neodadista Ray Johnson, y constitui una esperiencia coral de materiales y idees onde la llibertá d'aportes téunicos pa crear ye la qu'anima a cada mailartista pa pasalo bien delantre la obra postal, usando pal xuegu tou tipu de recursos, ortodoxos o impensables, col fin de comunicar y compartir un españíu de maxín ensin sometimientos a xuraos, premios o mercaos.

Otra vegada más ye la maraviyosa xenerosidá de quienRamit Chopra (India) dende 32 países: Alemania, Arxentina, Austria, Bélxica, Brasil, California, Canadá, Carolina del Sur, Chile, Dinamarca, Ecuador, España, Finlandia, Francia, Hungría, India, Inglaterra, Italia, Xapón, México, Noruega, Nueva Jersey, Ohio, Países Baxos, Polonia, Portugal, Rumanía, Rusia, Suecia, Turquía, Uruguay, Washington, texeron los filos pa reforzar la rede de mailartistes qu'entamó n'Avilés en 2016 cola primer convocatoria, una rede estupenda de persones xuníes pa que un proyeutu coleutivu seya verdá, formando ente tol mundu un universu democratizáu y igualador de persones con idees y sentimientos comunes, dando sentíu al conceutu más puru de Mail-Art.

Gracies a tol mundu

Ricardo Fernández

Comisariu de la esposición

Catálogu de la IV Esposición d'Arte Postal d'Avilés (n'español)

Participantes na IV Esposición d'Arte Postal d'Avilés (n'español)

Español




Asturianu




Galego 



Deutsch



English



Français



Hàn yu zhong wèn


 

Más información

Ricardo Fernández

+34 655 933 504 / +34 615 238 962

avilescultura@gmail.com

Palaciu de Valdecarzana

Cai del Sol, 2

33402 Avilés

T. 985 510 667

Entrada llibre y de baldre 

Calendariu d’eventos

anterior Setiembre 2019 siguiente
ll ma mi xu vi do
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

Axenda

  • 11/09/2019
  • 15/09/2019
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2019 Fundación de Cultura. Conceyu d’Avilés. | Avisu llegal |