Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 32 - Abril 2021

Apúntate al nuestru boletín

Cine

Cine «Cine de los Martes» marzu/abril 2021

Auditoriu de la Casa la Cultura, 20:15 h

Dempués de la suspensión nel mes de febreru, por culpa l'endurecimientu de les midíes sanitaries de proteición escontra la pandemia decretaes pol Gobiernu d'Asturies, vuelve'l Cine de los Martes, con un ciclu nuevu de nueve películes que se van poder ver la primer vegada n'Avilés, en marzu y abril, a les 19:30 hores nel Auditoriu de la Casa la Cultura.

Llargometraxes más nuevos,  en versión orixinal con subtítulos n'español, premiáu munches veces, que toquen xéneros como l'históricu, con un repasu a dos de les traxedies del sieglu XX, la guerra civil  española y los campos d'esterminiu nazis, pero tamién hai espaciu pa la comedia, el drama y el documental, y tamién l'animación, n'histories de güei qu'entemecen el realismu social, les trames polítiques y la ficción, conuna constante: van atrapar al públicu al que-y va prestar una bona historia.

Vuelven a ponese dos de les películes previstes pa febreru y que nun pudieron ponese enantes, los dramas El padre, de Florian Zeller protagonizada por un inmensu Anthony Hopkins, que va inaugurar el ciclu'l martes que vien, día 2 de marzu, y Baby, cola vuelta a la direición de Juanma Bajo Ulloa. Y compleméntense colo meyor del cine européu más nuevu (español, británicu, francés, rusu), llatinuamericanu (arxentinu y mexicanu) y estáunidense.

Entraes

Les entraes, a un preciu de 3 euros, van poder comprase nes canales normales, la taquilla de la Casa la Cultura y la web https://entradas.liberbank.es/palaciovaldes. Con aforu más pequeñu nel auditoriu, y el cumplimientu de toles midíes de proteición sanitaria frente a la pandemia del COVID-19.

Calendariu de películes

Martes, 2 de marzu. El padre (El pá)

Martes, 9 de marzu. La chica del brazalete (La moza del brazalete)

Martes, 16 de marzu. Baby (Neñu)

Martes, 23 de marzu. Nuevo orden (Orde nuevu)

Martes, 30 de marzu. El profesor de persa (El profesor de persa)

Martes, 6 d'abril. Las mil y una (Les mil y una)

Martes, 13 d'abril. Josep

Martes, 20 d'abril. Minari

Martes, 27 d'abril. Libreros de Nueva York (Llibreros de Nueva York)

Ciclu

2 de marzu

El padre ( El pá)

Premios

Premiu del Públicu nel Festival de San Sebastián 2020

Premiu al Meyor Actor y al Meyor Direición Nobel pa l'Asociación de Críticos de Boston 2020

Premiu a Meyor Montaxe pa l'Asociación de Críticos de Los Ánxeles 2020

Ficha Téunica

Títulu Orixinal: The Father

Nacionalidá: Inglaterra

Añu: 2020

Duración: 97 minutos

Direutor: Florian Zeller

Guion: Florian Zeller, Christopher Hampton (sobre una obra de Florian Zeller)

Retratu: Ben Smithard

Intérpretes: Anthony Hopkins, Olivia Colman, Imogen Poots, Mark Gatiss, Olivia Williams, Rufus Sewell, Evie Wray, Ayesha Dharker.

Argumentu

Anthony (Anthony Hopkins), un home de 80 años mui irónicu, un poco malucu y testerón que decidió vivir solu, nun quier a nenguna de les cuidadores qu'intenta contratar la so fía Anne (Olivia Colman) pa que lu ayuden en casa. La fía ta desesperada, porque nun pue dir velu tolos díes y siente que'l padre ta entamando a perder la cabeza y que se desconecta de la realidá cada vegada más. Anne sufre poco a poco la perda del  padre, al tiempu que la cabeza d'esti cada vez ta peor, pero tamién tien derechu a vivir la so propia vida.

Dixeron d'ella

"Un retratu brutal y complicáu de cómo se tien que sentir alguien que ta perdiendo la so conexión cola realidá, nuna interpretación de Hopkins que merez un Oscar." Benjamín Lee (The Guardian)

"Da una visión sutil, equilibrada y qu'esclaria munches coses de les persones que van perdiendo'l concorriente y de tolo que sufren quien les arrodia. La perda de memoria nun se representó enxamás tan fondamente como equí". Todd McCarthy (The Hollywood Reporter)

"Anthony Hopkins ta inolvidable. La película tien una humanidá tan rica que no da pie a nada nihilista o tortuoso." Richard Lawson (Vanity Fair)

"Espléndidamente orquestada y con dos interpretaciones memorables, una entrada nueva y elegante del cine nel mundu de la demencia senil, resulta inevitablemente conmovedora, dura y real." Carmen L. Lobo (La Razón)

"La execución ye tan brillante como cenciella, una puesta ,'escena y un trabayu d'arte intelixentísimos y unes interpretaciones maxistrales que van sumiendo al espectador nuna confusión total." Adrea G. Bemejo (Cinemanía)

9 de marzu

La chica del brazalete (La rapaza'l brazalete) 

Ficha Téunica

Títulu Orixinal: La fille au bracelet

Nacionalidá: Francia

Añu: 2019

Duración: 95 minutos.

Direutor: Stéphane Demoustier

Guion: Stéphane Demoustier

Música: Carla Pallone

Retratos: Sylvain Verdet

Intérpretes: Melissa, Guers, Annier Mercier, Roschdy Zem, Anaïs Demoustier, Pascal Garbarini, Chiara Mastroiani.

Argumentu

Lise, de 16 años, ta acusada de matar a la so meyor amiga. Nel xuciu, el pá y  la ma defiéndela del too, Pero, según se va conociendo la vida la fía, xurde nellos la solombra la dulda.

Dixeron d'ella

"Tres d'esti envoltoriu, que cumpleún a ún tolos requisitos que puede esixir el subxéneru xudicial, lo que queda atapecío ye un análisis intelixente y que da en clavu respueto a los enguedeyos entexeneracionales". Alberto Luchino (El Mundo)

"Cuestiona intelixentemente la zuna que tien la nuestra cultura d'avergoñase por culpa'l sexu y a da-yos lleiciones emocionales a les muyeres." Guy Lodge (Variety)

"Escura y provocativa. Funciona como historia premonitoria, pero ye más convincente como declaración d'independencia." Wilfred Okiche (Indiewire)

"Melissa Guers ye una auténtica revelación. Destila tolo complicao  del personaxe y sabe ser inocente, culpable, provocativa, llibre, ausente y emocionante." Oti Rodríguez Marchante (ABC)

16 de marzu

Baby

Premios

Meyor Banda Sonora Orixinal nel Festival de Sitges 2020

Ficha Téunica:

Títulu Orixinal: Baby

Nacionalidá: Espasa

Añu: 2020

Duración: 104 minutos

Direutor: Juanma Bajo Ulloa

Guión: Juanma Bajo Ulloa

Música: Bingen Mendizabal, Koldo Uriarte

Semeyes: Josep M. Civit

Intérpretes: Natalia Tena, Harriet Samson Harris, Rosie Day, Charo López, Mafalda Carbonell, Susana Soleto, Natalia Ruiz, Carmen San Esteban.

Argumentu

Una moza drogradicta preñada pare en mediu d'una de les sos crisis. Nun ye quien a ocupase del neñu y véndelu a una comadrona dedicada al tráficu de neños y neñes. Arrepentida, la rapaza intenta recuperalu.  

Dixeron d'ella

"Arranca como una obra maestra con unos minutos al entamar que son memorables respeuto a imaxen, sonorización y emoción alrodiu d'una vida en pañales, y termina con bendita guapura." Javier Ocaña (El País)

23 de marzu

Nuevu orden

Premios

Gran Premiu del Xuráu nel Festival de Cine de Venecia 2020

Meyor Película Llatinoamericana nos Premios Forqué 2020

Premiu Impact a Michel Franco en Festival de Cine d'Estocolmo 2020

Ficha Téunica

Títulu Orixinal: Nuevo Orden

Nacionalidá: México

Añu: 2020

Duración: 88 minutos

Direutor: Michel Franco

Guion: Michel Franco

Música: Dmitri Shostakovich

Semeyes: Yves Cape

Intérpretes: Naian González Norvind, Diego Boneta, Mónica del Carmen, Darío Yazbek, Fernando Cuautle, Eligio Menéndez, Lisa Owen, Patricia Bernal.

Dixeron d'ella

"Película pal asombru, pa nun tar d'alcuerdu y la revuleta, que percuerre la pantalla nun suspiru. y ye ehí, nesi tarrén onde nun cabe más procuru que'l  glayíu onde Nuevu Orden se fai más fuerte". Luis Martínez (El Mundo)

"Ye un cine dinámicu que nun fai prisioneros. Ye ruidosa y vilenta, ye magnífica; una propuesta pa tol alteráu nestos tiempos".

"Ablucante parábola política, rodada con ritmu rápidu y muncha capacidá pa grabar a grupos grandes y recrear ambientes con muncha credibilidá". Javier Ocaña (El País)

"Una mirada rellumante que da muncha llerza que se llee más como una aldovinación que como una fantasía lloca. Sácate les coraes colo pero de la ñatura humana, como suel facer Franco, pero dientru d'una escala sociopolítica mayor, y por esto ye dafechu imposible de freñaer". Carlos Aguilar (The Playlist)

30 de marzu

El profesor de persa   

Premios

Premiu a Meyor Película nel Festival de Cine de Beijing 2020

Premiu del Públicu nel Festival de Cine de Sevilla 2020

Premiu José Salcedo a la Meyor Edición na SEMINCI 2020

Ficha Téunica

Títulu Orixinal: Persischstunden

Nacionalidá: Rusia

Añu: 2020

Duración: 127 minutos

Direutor: Vadim Perelman

Guion: Ilya Tsofin (a partir de la novela de Wolfwang Kohlhaase)

Música: Evgueni Galpatine, Sacha Galperine

Retratos: Vladislav Opleyants

Intérpretes:Nahuel Pérez Biscayart, Lars Eidinger, Jonas Nay, David Schütter, Luisa-Céline Gaffron, Alexander Beye, Giuseppe Schillaci.

Argumentu

Francia, 1942. Los soldaos de les SS arresten a Gilles, a él y a otres persones xudíes y mándenlu pa un campu concentración n'Alemania. Ellí ye quien a evitar que lu manten porque xúra-yos a los guardies que nun ye xudíu, sinón persa. Gracies a esta mentira, Gilles salva la vida, pero tendrá qu'enseñar una llingua que nun conoz a ún de los oficiales del campu, interesáu en deprendela. Al mesmu tiempu que la rellación ente ellos va a más, les sospeches de los soldaos tamién.   

Dixeron d'ella

"Un gran viaxe cinematográficu y panorámicu qu'entemez mui bien suspense, risa y llárimes." Lee Marshall (Screendaily)

"Ye como si fuera una d'eses  películes antigües de guerra britániques, meciendo mui bien una historia cómica col conflictu. Perelman  consiguió facer una película pa que preste del too." Kaleem Aftab (Cineuropa)

"Nun cuesta nada rendise a les virtúes d'esta película, una obra de premisa ocurrente, facer les coses perfeutes, interpretaciones pa quitase'l sombreru (o la kipá), etc..." Antonio Trashorras (Fotogramas)

6 d'abril

Las mil y una(Les mil y una)

Premios

4 premios nel Festival de Cine de Mar de Plata 2020

Premiu a Meyor Película Llatinoamericana nel Festival de Cine de San Sebastián 2020

Ficha Téunica

Títulu Orixinal: Las mil y una

Nacionalidá: Arxentina

Añu: 2020

Duración: 120 minutos

Direutor: Clarisa Navas

Guion: Clarisa Navas

Retratos: Armin Marchesini

Intérpretes: Sofía Cabrera, Ana Carolina García, Mauricio Vila, Luis Molina Casanova, Marianela Iglesias, Pilar Rebull Cubells, Leo Espindola, Facundo Ledesma.

Argumentu

A Iris, de 17 años, echáronla de la escuela y pasa los díes de calor y les nueches coles sos dos meyores amigues, les sos primes, en cuartos estrechos, xugando col so teléfonu móvil o nes cais vacíes de la ciudá. Cuando Renata, fría y segura de sí mesma, entra n'escena, Iris queda impresionada, y nun pasa munchu tiempu hasta qu'entamen a acercase más. Pero nesa zona, los rumores sobre'l pasáu de Renata son cada vegada más fuertes.

Dixeron d'ella

"Una amuesa perbona d'estes nueves formes de representación d'una mocedá que, ensin grandes discursos nin dramatismos, desafía los patrones heteronormativos, pero tamién les narratives de siempre". Eulalia Iglesias (El Confidencial)

"Navas mete el deu na llaga y identifica que, por desgracia, enxamás se va poder facer l'amor ensin xusticia social." Mariona Borrull (Fotogramas)

"Orgánica y creíble en caún de los sos planos. Fluye, en dalgún puntu, como eses xornaes llargues veraniegues nes que nun hai nada más que facer         qu'educar la mirada y poner el deséu y el cuerpu en movimientu." Diego Lerer (MicropsiaCine.com)

"Dempués d'entamar estupendamente bien, esta direutora de tantu talentu regálanos un segundu llargumetraxe tovía meyor, tovía de más valir, con más puxu y más crudu." Fernando E. Juan (OtrosCines.com)

13 d'abril

Josep

Premios

Meyor Película d'Animación nos Premios del Cine Européu 2020

Premiu a Mejyr Direutor na SEMINCI 2020

Premios a Meyor Película y a Meyor Guion nel Festival de Cine d'Atenas 2020

Premiu Días de Cine a la Meyor Película d'Animación


Ficha Téunica

Títulu Orixinal: Josep

Nacionalidá: Francia

Añu: 2020

Duración: 81 minutos

Direutor: Aurel

Guion: Jean-Louis Milesi

Sílvia Pérez Cruz

Intérpretes: Animación.

Argumentu

Febreru, 1939. Apabulláu por tolos republicanos que fuxen de la dictadura franquista, el gobiernu francés decide confinar a los españoles en campos de concentración, Nuno d'esos campos, dos homes separaos por un alambrada d'espines, entamen una amistá. Ún d'ellos ye Josep Bartoli, un dibuxante que llucha escontra'l rexime de Franco.

Dixeron d'ella

"Aurel compón imáxenes que son elegantes y bien guapes, y clares pa evocar tanto lo histórico como lo íntimo." Nando Salvá (El Periódico)

"Coinciden, y de qué manera, arte y política." Javier Ocaña (El País)

"Aurel quier trabayar con téuniques de dibuxu tradicionales y la película benefíciase muncho de los pocos recursos que comporta eso" Elulalia Iglesias (El Confidencial)

"Ye cuando Aurel nos lleva a la llaceria que vivió Josep n'Argelés-sur-Mer, cuando la película se tresforma nun aparte angustiosu y los dibuxos del republicanu golpeen y, de verdá, duelen." Paula Arantzazu (Cimanía)

"Una lleición d'historia fascinante dirixida por Aurel, que saca tolo meyor de los dibuxos excecionales de Bartoli, entemecíos con soltura nun conjuntu mui sofisticáu." Fabien Lemercier (Cineuropa)

20 d'abril

Minari

Premios

Gran Premiu del Xurado y Premiu del Públicu nel Festival de Sundance 2020

Nominada a Meyor Película en Llingua Estranxera nos siguientes Globos d'Oru 2021

6 nominaciones nos Independent Spiritr Awards 2021

10 nominaciones nos siguientes Premios de la Crítica Americana 2021

Ficha Téunica

Títulu Orixinal: Minari

Nacionalidá: Estaos Xuníos

Añu: 2020

Duración: 115 minutos

Direutor: Lee Isaac Chung

Guion: Lee Isaac Chung

Retratos: Lachlan Milne

Música: Emile Mosseri

Intérpretes: Steven Yeun, Han Ye-ri, Youn Yuh-jung, Alan S. Kim, Noel Cho, Will Patton, Scott Haze, Eric Starkey, Esther Moon.

Argumentu

David, un neñu coreanu-americanu de 7 años, ve cómo a mediaos de los años 80 la so vida cambia, d'un día pa otru, cuando'l padre decide dir vivir a un pueblu d'Arkansas con tola familia pa poner ellí una casería, y algamar el sueñu americanu.

27 d'abril

Libreros de Nueva York (Llibreros de Nueva York)

Ficha Téunica

Títulu Orixinal: The booksellers

Nacionalidá: Estaos Xuníos

Añu: 2019

Duración: 99 minutos

Direutor: D.W. Young

Guion: D.W. Young

Retratos: Peter Bolte

Música: David Ullman

Intérpretes: Documental.

Argumentu

Una güeyada a esi mundu raru del llibru neoyorquinu

Dixeron d'ella

"Cualquiera que disfrute perdiéndose nuna llibrería, sobre too nuna daqué polvosa y especializadaen llibros raros, ye'l públicu afayadizu pal nuevu documental de D.W. Young". Nando Salvá (El Periódico)

"Un regalu pa quien aprecie'l mundu del llibru de papel"· Frank Scheck (The Hollywood Reporter)

"Convídanos a adorar un cachu'l misteriu de tocar un llibru vieyu -la elegancia de la so edición, les páxines que puede que tean yá cayendo, la celosía pintada de la so encuadernación". Owen Gleiberman (Variety)

"Tan cálida y atractiva como un bon llibru." Adam Graham (Detroit News)

Más información

Casa la Cultura

Pz Domingo Álvarez Acebal, 2

33402 Avilés. Asturies

T: 985 510 045 / 985 510 452

HORARIU

Llunes a vienres • 08:30 a 21:30 h

Sábados • 09:00 a 21:00 h

Domingos y festivos • 09:00 a 14:00 h

HORARIU XUNETU Y AGOSTU

Llunes a vienres • 08:30 a 14:00 h y de 16:00 a 21:30 h

Sábados • 09:00 a 14:00 h

Domingos y festivos • pesllao

  • © 2021 Fundación de Cultura. Conceyu d’Avilés. | Avisu llegal |