Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 34 - Ochobre 2021

Apúntate al nuestru boletín

Biblioteques

Biblioteques «DVD. Novedaes»

Esbilla de novedaes en DVD incorporaes a la estaya d'adultos de la Rede de Biblioteques d'Avilés

DVD

Ente nosotresEntre nosotras (Ente nosotres). Direutor, Filippo Meneghetti. Karma Films, 2021.

Meyor Ópera Prima  nos Premios César 2020. Nina y Madeleine son pa tol mundu dos muyeres retiraes y vecines; pero elles tán enamoraes ensin que lo sepa naide, dende hai yá mil años. Tuvieron pasando d'una casa a otra, munchu tiempu y compartiendo la vida. Pero dende que pasa algo que naide espera, la so rellación va dar un cambiu radical.

Un mundu normalUn mundo normal (Un mundu normal). Direutor, Achero Mañas. Tripictures, 2021.

Ernesto, un direutor de cine que nun ta d'alcuerdu con nada y que ye mui raru, como tien que cumplir cola última voluntá de la madre al morrer, decide robar la caxa y tirala a la mar. Nel viaxe, va con él la fía que ta pensando en convencelu pa que cambie d'idea, pero ella mesma va dándose cuenta de qu'igual el padre nun ta tan llocu, y que sólo intenta ser fiel a los sos principios.  

L'arte de volverEl arte de volver (L'arte de volver). Direutor, Pedro Collantes. Divisa Home Vídeo, 2021.

Dempués de tar seis años viviendo en Nueva York, una actriz moza, vuelve pa casa pa participar nun casting que podría cambiar tola so carrera. Nes primeres venticuatro hores, dempués de volver, los alcuentros y les despidíes cola familia y amistaes van enseñala a apreciar los vaivenes de la vida y van llevala a replantease'l pasáu y el futuru.

14 díes, 12 nueches14 días, 12 noches (14 díes, 12 nueches). Direutor, Jean-Philippe Duval. Adso Films, 2021.

Isabelle decide entamar un viaxe a Vietnam, tierra onde nació  la so fía adoptiva Clara, cola esperanza de volver a conectase emocionalmente con ella. Ellí, con güeyos de madre biolóxica de Clara, descubre'l país de la fía, nun andar calenderiando d'un sitiu pa otru que les lleva a les dos a compartir los sos secretos más íntimos, pa poder siguir les dos cola so vida.

Orden nuevuNuevo orden (Orden nuevu). Direutor, Michel Franco. A Contracorriente Films, 2021.

Gran Premiu del Xuráu nel Festival de Venencia 2020 y Meyor Película Llatinoamericana nos Premios Forqué 2020. Mientres tanto nes cais de México D. F. vívense enfrentamientos violentos por culpa la llucha clases, que deriven nun golpe d'estáu, una familia de l'alta sociedá organiza una boda tremenda. Al traviés de los güeyos de la novia y de los sirvientes que tabayen pa ella, la película cuenta la caída de tou un sistema políticu.

Pasa too en Tel AvivTodo pasa en Tel Aviv (Pasa too en Tel Aviv). Direutor, Sameh Zoabi. Surtsey Films, 2021.

Premiu Orizzonti al Meyor Actor nel 75 Festival de Venecia. Salam, un palestín mozu que vive en Xerusalén, tien de pasar tolos díes un control israelíu mui duru pa llegar al trabayu, nos estudios de grabación d'una telenovela palestina mui famosa. El comandante del puestu de control, Assi, pa impresionar a la so muyer, seguidora de la telenovela, involúcrase n'escribir el guión, y Salam dase cuenta rápido de que les idees d'Assi pueden llevalu a un ascensu na so carrera como guionista.  

Pa SamaPara Sama: una carta de amor de una joven madre a su hija (Pa Sama: una carta d'amor d'una madre moza a la so fía). Direutores, Waad Al-Kateab y Edward Watts. Surtsey Films, 2021.

Meyor documental nos Premios del Cine Européu y nel Festival de Cannes 2019. La película cuenta la historia de la vida de Waad Al-Kateab nos quince años de guerra n'Alepo, Siria. Nesti tiempu enamórase, cásase y pare a a so fía Sama. Mientres que va grabando cola so máquina histories increíbles de pérdida y supervivencia, ta pensando si tien que fuxir o non de la ciudá pa protexer la vida la fía, cuando marchar supón dexar de lluchar pola llibertá, pola que se sacrificó tanto.

Les GloriesThe Glorias (Les Glories). Direutora, Julie Taymor. DeAPlaneta, Tripictures, 2021.

Basada na autobiografía de Gloria Steinem, La mio vida na carretera, la película  cuenta la historia d'esta periodista, activista y feminista. Marcada pola depresión de la madre y un padre que nun taba nunca en casa, un viaxe a la India, de moza, y la so llegada dempués a Nueva York y el so trabayu como periodista, van llevala a convertise nuna de les figures más importantes del movimientu feminista del sieglu XX.

NómadesNomadland (Nómades). Direutora, Chloé Zhao. Twentieth Century Studios, 2021.

Oscar 2021 a la Meyor Película, Meyor Direutor y Meyor Actriz. En pesllando una mina yesu en Nevada, que supuso un colapsu económicu de tol pueblu, Fern, dempués d'habelo perdío too, entama un viaxe pel Oeste americanu, viviendo como una nómada nuna caravana. Pel camín va conocer a otros nómades de la vida moderna.


Compres anteriores

La increíble historia de David CopperfieldLa increíble historia de David Copperfield. Direutor, Armando Iannucci. Vértigo Films, 2021

Basada na novela más famosa de Charles Dickens, la película ye una sátira bien orixinal onde se cuentes les aventures d'esti personaxe únicu, dende'l so orixen humilde como güérfanu, hasta llegar a ser una de les figures más célebres de la Inglaterra victoriana.

Corpus ChristiCorpus Christi. Direutor, Jan Komasa. Surtsey Films, 2020

Mientres que ta nun centru de detención pa xente mozo, Daniel decide que quier ser cura, pero los sos antecedentes penales nun lu dexen. Cuando lu manden pa un pueblín pequeñu a trabayar, vístese de cura y ensin querelo faise cargu la parroquia, ayudando al pueblu a superar una traxedia que pasare hai años.

SeñorSeñor. Direutora, Rohena Gera. Surtsey Films, 2021 

Ye un mozu de familia con perres que lo tien too, pero que renunció a los sos suaños. Ratna trabaya nuna casa; ella nun tien nada pero mantién la esperanza. Cuando s'atopen los dos y se gusten, les barreres que los separen paez imposible reblagales.

AmmoniteAmmonite. Direutor, Francis Lee. Sony Pictures, 2021

Inspirada na vida de la paleontóloga británica Mary Anning. Na Inglaterra del sieglu XIX, cuando la so fama yá pasó, la buscadora de fósiles Mary Anning, empieza a vender la so coleición a los turistes pa salir p'alantre. Cuando un visitante ricu-y da trabayu pa que cuide a la so muyer, acéptalu, pero la rellación ente les dos dará un vuelcu inesperáu.

Nieva en BenidormNieva en Benidorm. Direutora, Isabel Coixet. Bteam Pictures, 2021

Peter retírase dempués de tar trabayando tola vida nel bancu de Manchester. Entós decide  dir pa Benidorm a visitar al so hermanu. Ellí descubre qu'esti tien un club de burlesque y que ta desapaecíu. Álex, una trabayadora del club, ayúdalu y una policía, obsesionada cola presencia de Sylvia Plath nos años cincuenta na ciudá, va intentar encontralu.

BabyBaby. Direutor, Juanma Bajo Ulloa. Festival Films, 2021

Una moza drogadicta pare sola nel so paprtamentu y como nun ye quien a atender al fíu, véndelu a una traficante de neños, que va siempre con una moza albina con rasgos felinos y una neña coxa. Arrepentida, va intentar recuperalu, pero va descubrir una realidá angustiosa. película basa na espresividá de les imáxenes, porque nun hai nenguna charra falada.

Los europeosLos europeos. Direutor, Víctor García León. Divisa Home Video, 2021.

Basada na novela de Rafael Azcona. Miguel gánase la vida como deliniante y Antonio, el fíu tarambaina del so xefe, arrástralu pa que vaya veranear a Ibiza, onde-y contaron que ye mui fácil lligar con europees. Mientres qu'Antonio anda de folixa toles nueches, Miguel prefiere apartase d'eso, hasta qu'una francesa bien prestosa, Odette, acaba seduciéndolu.

El inconvenienteEl inconveniente (L'inconveniente). Direutor, Bernabé Rico. Divisa Home Video, 2021

A Sara ofrécen-y comprar la casa perfeuta: grande, con muncha lluz y mui mui barata. Sólo tien un problema pequeñu y llámase Lola, la dueña d'agora del pisu que tien ochenta años, que lu quier vender, pero cola condición de que pueda siguir viviendo nél hasta que muerra. Magar d'esto, Sara, pensando en que ye un bon negociu, decide comprar y esperar.


 

Compres anteriores

Destroyer, una muyer mancadaDestroyer: una mujer herida (Destroyer: una muyer mancada).Direutora, Karym Kusama. A Contracorriente Films, 2019.

Erin Bell trabayó na mocedá como policía infiltrada nuna banda mui peligrosa del desiertu californianu. En pasando'l tiempu, piensa que se recuperó de les secueles sicolóxiques que tuvo al entrar nel mundu la mafia. Pero, cuando'l cabezaleru la banda vuelve a dar señales de vida, la única solución pa escaecer les sos pantasmes ye la de retomar el contautu colos miembros del grupu que más tiempu lleven nél.

MugMug. Direutora, Malgorzata Szumowska. Divisa Home Video, 2019.

Gran Premiu del Xuráu nel Festival de Berlín 2018 y Premiu del Xuráu Mozu nel Festival de Xixón 2018. Jacek adora'l heavy metal y considérenlu na familia un bichu raru y nel tradicional pueblu polacu onde vive. Un día, trabayando na construcción d'una estatua de Xesucristu, sufre un accidente que-y desfigura la cara, y sométese a la primer operación de tresplante facial de la historia. Pa Jacek podría ser una oportunidá pa facer una nueva vida.

Un día más con vidaUn día más con vida (Un día más con vida). Direutores, Raúl de la Fuente y Damian Nenow. Cameo, 2019.

Meyor Film d'Animación nos Premios del Cine Européu y los Premios Goya 2018 y Premiu del Públicu nel Festival de San Sebastián 2018. Basada nel Llibru de Ryszard Kapuscinski, narra los últimos díes d'Angola como colonia portuguesa en 1975, y les consecuencies terribles d'esta desconolización: una guerra civil que llevó per delantre tola rexón munchos años.

Vida bonaHigh life. Direutora, Claire Denis. Karma Films, 2019.

Premiu FIPRESCI nel Festival de San Sebastián 2018. Montse y la so fía, Willow viven completamente asisllaos , fuera del nuestru sistema solar, dientro d'una nave espacial. Pero nun tuvieron siempre solos. Taben nun grupu de condenaos a muerte, presos espaciales, a los que usándolos  sólo como coneyinos d'indies, mandaron pa una misión pal furacu negru que taba más cerca de la Tierra. 

Memories d'un home en piyamaMemorias de un hombre en pijama (Memories d'un paisanu en piyama). Direutor, Carlos Fernández de Vigo. Karma Films, 2019.

Meyor Película d'animación nos Premios Gaudí 2018. Comedia romántica basada nel cómic Memories d'un home en piyama, de Paco Roca. Paco ye un solteru empedernidu que, nel meyor momentu de la so vida, algama un suañu de cuando yera neñu: trabayar dende casa y en piyama. Pero cuando creía que yá tenía tola felicidá del mundu, entra na so vida Jilguero, una rapaza de la que s'enamora.

Páxaros de veranuPájaros de verano (Páxaros de branu). Direutores, Cristina Gallego y Ciro Guerra. Karma Films, 2019.

Basada nuna historia real, cuenta l'orixe del narcotráficu en Colombia. La película sitúase nos años 70, cuando la mocedá norteamericana abraza la cultura hippie y y la marihuana. Esto provoca que los agricultores de la zona se conviertan n'empresarios, y que nel desiertu de Guajira, una familia indíxena Wayuu garre'l papel de cabezalera d'esta empresa nueva. Rápido la bayura y el poder van poner en pelligru les sos costumes ancestrales.

L'home y la pistolaThe old man & the gun (L'home y la pistola). Direutor,  David Lowery. Vértigo Films, 2019.

Cuenta la historia real de Forrest Tucker, un lladrón de bancos que tuvo práuticamente tola vida na cárcel o itentando escapase d'ella. De fechu, consiguiólo 18 veces y l'últimu atracu cometiólu nel añu 2000, cuando tenía 80 años.

Agora o nuncaAhora o nunca: una verdad muy incómoda (Agora o nunca: una verdá mui incómoda). Direutores, Bonni Cohen y Jon Shenk. Paramount Home Entertainment, 2018.

Segunda parte del documental  Una verdá incómoda, qu'averó'l problema del cambiu climáticu y el calentamientu global al gran públicu. Dempués de diez años, dalgunes de les sos peores previsiones, que dalgunes persones consideraron apocalíptiques y esaxeraes, confirmáronse.

La llibreta de Sara El cuaderno de Sara (La llibreta de Sara). Direutor, Norberto López Amado. Buena Vista Home Entertainment, 2018.

Laura va pa Kinshasa, preparada pa entrar nel tarrén de los señores de la guerra, pa buscar a la so hermana, Sara, desapaecida hai años na selva'l congu, cuando trabayaba nuna ONG. Rápido descubre que poder conseguilo tien d'arriesgar la vida.

Toles perres del munduTodo el dinero del mundo (Toles perres del mundu). Direutor Ridley Scott. Cameo, 2018.

Basada nun fechu real, la película cuenta'l secuestru n'Italia, en 1973, de John Paul Getty III, y los esfuerzos desesperaos de la madre pa que'l güelu del rapaz, John Paul Getty Sr., un magnate del petroleu, consideráu ún de los homes más ricos del mundu, pague'l rescate.

La borrina y la rapazaLa niebla y la doncella (La borrina y la rapaza). Direutor, Andrés Koppel. Savor, 2018.

Al sarxentu Bevilaqua, de la Guardia Civil, encamiénten-y el llabor d'investigar la muerte d'un mozu na islla canaria de La Gomera. El sarxentu y el so inseparable cabo Chamorro van intentar esclariar esti casu tan enguedeyáu, llaráu de presiones polítiques y con un problema más, que nun heba rocees al volver a abrir un casu que los sos compañeros daben por peslláu. 

Ye la vidaC'est la vie! (¡Ye la vida!). Direutores, Eric Toledano y Olivier Nakache. A Contracorriente Films, 2018.

Una boda de lluxu nun castiellu francés del sieglu XVIII descontrólase, y anque paez que ta too perbien iguao pa que l'eventu seya un ésitu -camareros, orquesta, menú, DJ y decoración floral-, a cada cachu xurde un problema que fai que'l resultáu casi llegue al puntu de catastróficu.  

Lady BirdLady Bird . Direutora, Greta Gerwig. Sony Pictures Entertainment Iberia, 2018.

Una moza estudiante que se fai nomar Lady Bird va a vivir pal norte de California pa pasar el so últimu añu d'institutu. La moza, con inclinaciones artístiques y que suaña con vivir na costa Este, va intentar atopar ellí'l so camín y salise de les faldes de la madre.

Marea humanaMarea humana (Marea humana). Direutor Ai Weiwei. A Contracorriente Film, 2018.

Documental del artista y activista chinu Ai Weiwei sobre la traxedia de los refuxaos de tol mundu. Rodada en más de 23 países, espón, ente otros, l'efrentamientu ente los gobiernos europeos nel so intentu pa nun dexar pasar los les persones migrantes siries, afganes, turques o africanes que fuxen de la guerra civil, la situación de la fastera de Gaza, o la traxedia que se vive na llende ente México y Estaos Xuníos.

Munchos fíos, un monu y un castielluMuchos hijos, un mono y un castillo (Munchos fíos, un monu y un castiellu). Direutor, Gustavo Salmerón. Cameo, 2018.

Premiu Goya 2017 al Meyor Documental. Gustavo, el fíu pequeñu d'una familia mui numberosa, grabó nos últimos catorce díes el dir y venir del clan García Salmerón, que se ficieron ricos gracies a una herencia, marcharon a vivir pa un castiellu y terminaron perdiéndolo too por nun poder mantenelu. Julita Salmerón, la matriarca, de 82 años, ye la protagonista de verdá de la historia.

OruOro (Oru) . Direutor, Agustín Díaz Yanes. Sony Pictures Entertainment Iberia, 2018.

Película ambientada na conquista d'América, concretamente nes espediciones de los españoles Lope de Aguirre y Núñez de Balboa. La historia entama en Les Indies en 1538, na selva amazónica, y sigue a un grupu de soldaos mandáu pol Rei cola xera d'alcontrar una ciudá con teyaos d'oru macizu.

La plazaThe Square. Direutor, Rubén Östlund. Cameo, 2018.

Palma d'Oru nel Festival de Cannes 2017. Christian, direutor d'un muséu d'arte contemporaneu, encárgase d'una amuesa entitulada The Square, una instalación que se sofita nos valores humanos y desinteresaos. Al mesmu tiempu ta obsesionáu con encontrar  el so teléfonu móvil que-y robaron, quedando nuna espiral de decisiones males y equivocaes, que van desequilibrar la vida que tien tan organizada.

El filu invisibleEl hilo invisible (El filu invisible). Direutor, Paul Thomas Anderson. Universal Pictures, 2018.

En 1950, nel Londres de la posguerra, el famosu modistu Reynolds Woodcock y la so hermana Cyril son cabezaleros de la moda británica, vistiendo a la realeza y a toles muyeres elegantes de la época. Pero cuando Reynolds conoz a Alma, la so vida, hasta esi momentu mui controlada y planificada, vese alterada por culpa l'amor.

El momentu más negruEl instante más oscuro (El momentu más escuru). Direutor, Joe Wright. Sony Pictures, 2018.

Cuando Wiston Churchill se convierte en primer ministru británicu, la Segunda Guerra Civil taba nun momentu cimeru: los nazis diben avanzando imparables conquistando casi del too, el continente européu y amenazaben con invadir el Reinu Xuníu. Churchill tendrá d'escoyer ente firmar un tratáu de paz con Alemania, o ser fiel a los sos ideales y lluchar pola lliberación d'Europa.

La forma l'aguaLa forma l'agua. Direutor, Guillermo del Toro. Fox, 2018.

Na Guerra Fría, la vida de la solitaria Elisa, que trabaya como llimpiadora nun llaboratoriu d'alta seguridá mui inquietante, cambia dafechu cuando descubre, ellí guardáu, a un home-anfibiu col que se ta faciendo un esperimentu secretu. La xuntura ente los dos mundos qu'abulten bien distintos va ser perfeuta.

La llibreríaLa librería (La llibrería). Direutora, Isabel Coixet. A Contracorriente Films, 2018.

En 1959, nun pueblu pequeñu d'Inglaterra, una rapaza viuda decide, ella sola, magar que'l vecindariu nun quier, abrir la primer llibrería ellí.

SuburbiconSuburbicon. Direutor, George Clooney. Tripictures, 2018.

Lo meyor y lo peor de la humanidá vese reflexao nes vides de la xente normal que vive nun pueblu norteamericanu mui tranquilu nos años 50. De sópitu un asaltu a la casa va ser mortal y una familia que paez perfeuta, va entamar a usar el chantaxe, la venganza y la traición.

La rueda la suerteWonder Wheel (La rueda la suerte). Direutor, Woody Allen. A Contracorriente Film, 2018.

Na Coney Island de la década los 50, Mickey Rubin, un rapaz mui curiosu que ye salvamentu nel parque d'atracciones que quier ser escritor, cuenta la historia de Humpty, operariu de los caballitos del parque, y de la so muyer Ginny, una actriz que trabaya como camarera. La pareya ta pasando una crisis, que se complica cuando apaez Carolina, la fía de Humpty, que ta fuxendo d'un grupu mafiosos.

Yo, TonyaYo, Tonya. Direutor, Craig Gillespie. Aurum, 2018.

Tonya Harding foi la primer patinadora de los Estaos Xuníos en facer, en 1991, un triple saltu axel nuna competición. Pero l'ésitu nel deporte nun tuvo siempre acompañáu de la felicidá na so vida personal.

Asesinatu nel Orient ExpressAsesinato en el Orient Express (Asesinatu nel Orient Express). Direutor, Kenneth Branagh. Twentieth Century Fox, 2018.

Nun viaxe nel llexendariu tren Orient Express, el detective belga Hercules Poirot investiga un asesinatu que pasare pel viaxe. Pero, según va atopando más pruebes, va viendo que tol mundu ye sospechosu.

Blade RunnerBlade Runner 2049. Direutor, Denis Villeneuve. Sony Pictures, 2018.

Trenta años dempués de lo que pasó na primer película de la saga, el nuevu blade runner K, atópase con un secretu yá d'hai tiempu y bien peligrosu. Asina, entama la busca de Rick Deckard, un blade runner que desapaeciere hai trenta años.

El gran showmanEl gran showman. Direutor, Michael Gracey. Twentieth Century Fox, 2018.

Musical basáu na vida de Phineas Taylor Barnum, un visionariu y empresariu de circu d'Estaos Xuníos que, a mediaos del sieglu XIX, fundo'l Ringling Brothers and Barnum & Bailey Circus, conocidu como'l mayor espectáculu na tierra.

El sacrificiu d'un venáuEl sacrificio de un ciervo sagrado (El sacrificiu d'un venáu sagráu). Direutor, Yorgos Lanthimos. Cameo, 2018.

Steven, un ciruxanu de renome y Anna, una oculista mui nomada, viven felices colos dos fíos que tienen. Cuando Steven empieza una amistá con Martin, un rapaz de dieciséis años que nun tien padre, decide protexelu y les sos vides dan un vuelcu. Steven tendrá d'escoyer ente sacrificase o arriesgase a perdelo too.

Los archivos del PentágonuLos archivos del Pentágono (Los archivos del Pentágonu). Direutor, Steven Spielberg. Twentieth Century Fox, 2018.

Foi dalgo que pasó de verdá. En 1971, los responsables del Whashington Post descubrieron unos documentos que demostraben que l'alministración del presidente Johson mintió a la ciudadanía sobre la Guerra de Vietnam. En publicando esta información, hebo un escándalu tremendu y una batalla como enxamás hubiere ente periodistes y gobiernu. 

MorrerMorir (Morrer). Direutor, Fernando Franco. Cameo, 2018.

La vida de Luis y Marta paralizábase de sópitu por una enfermedá grave, poniendo a prueba la estabilidá y l'amor de la pareya, que va tener que superar situaciones de mieu, mentires y culpa.

Ensin amorSin amor(Ensin amor). Direutor, Andrey Zvyagintsev. Cameo, 2018.

Boris y Zhenya tán en mediu d'un procesu de divorciu y paez que nengún d elos dos ta preocupáu por Alyosha, el so fíu de doce años que vive atormentáu porque los padres nun-y dan cariñu y nun lu entienden. Hasta que desapaez; entós va ser cuando la pareya nun va tener más remediu que xuntar les sos fuerces p'alcontrar al fíu.

Tres anuncios na carreteraTres anuncios en las afueras (Tres anuncios nes afueres). Direutor, Martin McDonagh. Twentieth Century Fox, 2018.

Mildred Hayes, una muyer con una fía adolescente a la que violaron y mataron, decide entamar una guerra pola so cuenta escontra un del so pueblu, Ebbing, porque piensa que nun fae nada por solucionar el casu.

Asuntos de familiaAsuntos de familia (Asuntos de familia). Direutor, Maha Haj. Karma, 2017.

Una pareya de vieyos vive al ritmu la rutina de tolos díes na ciudá de Nazaret. En Ramala, pa la otra parte de la frontera, el so fíu Tarek ta enfotáu en ser el solteru eternu, la fía ta a puntu parir y la güela pierde'l sentíu. Mientres tanto, en Suecia, el fíu mayor de la familia espera la so visita.

Día de patriotesDía de patriotes. Direutor, Peter Berg. Aurum, 2017.

Basada nel atentáu de la Maratón de Boston, cuenta la historia del oficial de policía Ed Davis qu'investiga l'actu terrorista , y cuenta la historia de cómo se siguió a los responsables d'ello pa garralos como prisioneros.


 

Más información

Calendariu d’eventos

anterior Setiembre 2022 siguiente
ll ma mi xu vi do
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2022 Fundación de Cultura. Conceyu d’Avilés. | Avisu llegal |