Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2021 -Númberu 34 - Ochobre 2021

Apúntate al nuestru boletín

Biblioteques

Biblioteques «Club de Llectura de la Biblioteca Bances Candamo»

Centru d'Educación Ambiental «La Noria» (nel parque Ferrera), 17:00 h

Avientu 2021
Martes 21, 17:00 h

El Club de llectura de la Biblioteca Bances Candamo aconcéyase pa comentar Sumisión, de Michel Houellebecq. Sedrá'l martes, 21 d'avientu, a les 17 hores na Casa la Cultura.

Sumisión ye una novela de "política ficción", que presenta una historia na qu'una formación islámica moderada llega al poder en Francia, col apoyu de los socialistes y de la derecha, en ganando a la candidata del Frente Nacional. El protagonista, un profesor universitariu fartucu de dar clase y de la so vida privada, qu'a los sos cuarenta años ta resif¡gnáu a una vida aburrida, pero tranquila, ve como la llegada de repente al Elíseo del nuevu presidente islamista altera la vida que faen tolos díes  los y les franceses, deparándo-y un futuru que nun ta seguru.  

La novela, publicada en 2015, llegó a les llibreríes franceses el mesmu día del atentáu escontra'l selmanariu satíricu Charlie Hebdo reivindicáu por Al Quaeda, y a Houellebecq acusáronlu d'islamofobia y de da-y ales a la estrema derecha. Más p'allá de la polémica, Sumisión asoléyase como una burlla grotesca de la Francia socialdemócrata nos nuestros díes, y per ende d'Europa.

Michel Houellebecq (Saint-Pierre, Reunión, 1958) ye poeta, ensayista y novelista. La crítica española recibió mui bien la so primer novela, Ampliación del campo de batalla (1994). En 1998 recibió'l Premiu Nacional de les Lletres, que da'l Ministeriu de Cultura francés. La so segunda novela, Las partículas elementales (1998) foi mui polémica y nomada, lo mesmo que Plataforma (2001). Houellebecq algamó'l Premiu Goncourt con El mapa y el territorio, de la que se fixeron traducciones en trenta y seis países, y volvió a llevantar angüeñes con Serotonina (2019). Otres obres suyes son Lanzarote, El mundo como supermercado, Enemigos públicos (conversaciones con Bernard-Henri Lévy), Intervenciones, En presencia de Schopenhauer y los llibros de poemes Sobrevivir, El sentido de la lucha, La búsqueda de la felicidad y Renacimiento, toos xuntos nel tomu nomáu  Poesía, y tamién nel volumen que va sacar dempúes col títulu de  Configuración de la última orilla. A Houellebecq diéron-y el pernomáu Premiu IMPAC (2002), amás del Schopenhauer (2004) y, n'España, el Leteo (2005).

Payares 2021
Martes 30, 17:00 h

El Club de Llectura de la Biblioteca Bances Candamo aconceýase pa comentar la obra d'Emilia Pardo Bazán. Sedrá'l martes, 30 de payares, a les 17:00 hores na sala xuntes de la Casa la Cultura.

Esti añu cúmplese'l centenariu de la muerte d'Emilia Pardo Bazán (A Coruña, 1851-Madrid, 1921), por eso'l club dedica l'aconceyamientu del mes de payares a comentar les obres d'esta autora que cada miembru del club quixo lleer.

Emilia Pardo BAzán ta considerada la meyor novelista española del sieglu XIX. Foi una pluma nomada de la España del so tiempu y, amás de noveles y cuentos, escribió llibros de viaxe, obres dramátiques, composiciones poétiques y munches collaboraciones periodístiques. Tamién foi quien traxo'l Naturalismu a España y precursora del la defensa de los derechos de la muyer y el feminismu. Reivindicó la formación pa les muyeres como daqué fundamental y dedicó una parte de la so actividá pública pa defender la idea de que la igualdá ente homes y muyeres yera daqué posible d'algamar.

En tola so carrera lliteraria tan grande, destaquen les noveles La Tribuna, Los pazos de Ulloa, La madre naturaleza, Insolación, Morriña y La sirena negra; los ensayos d'historia y crítica lliteraria La cuestión palpitante, La revolución y la novela en Rusia, Porvenir de la literatura después de la guerra; otros ensayos como La educación del hombre y la de la mujer, La España de ayer y la de hoy; les biografíes de San Francisco de Asís, Hernán Cortés y Francisco Pizarro; y los dos llibros de cocina La cocina española antigua y La cocina española moderna

Ochobre 2021
Martes 19, 17:00 h

El Club de llectura de la Biblioteca Bances Candamo aconcéyase pa comentar Yoga, d'Emmanuel Carrère. Va ser el martes, 19 d'ochobre, a les 17 hores na sala de reuniones de la Casa la Cultura. Dempués, el sábadu , 23 d'ochobre, los miembros del club van dir a un alcuentru de clubs de llectura de les biblioteques públiques col autor, nun actu entituláu "La escritura y la vida", dientro de los actos de la Selmana de los Premios Princesa d'Asturies.

Yoga, ye, según diz el mesmu autor, un autorretratu de la cayida más grande de la so mente al infiernu más fondu, al tiempu que describe'l mundu tan complicáu nel que vivimos. Nel llibru, que trata de la so vida dende 2015 hasta 2018, entemécense l'autobiografía, l'ensayu y la crónica periodística, y cuenta cómo foi'l so divorciu, una depresión mui grande que tuvo y el so ingresu nun hospital siquiátricu. Magara que nun principiu pretendía escribir un ensayu graciosu sobre'l yoga, a lo cabero, el rellatu convirtióse nuna esposición daafechu de la so enfermedá: el trestornu bipolar y la depresión.

Emmanuel Carrère (París, 1957), amás d'escritor y periodista, ye guionista y direutor de cine. Entamó a dase a conocer en Francia coles sos primeres noveles Bravura (1984) y El bigote (1986) y algamó renome internacional a partir d'espublizar El adversario (2006). la so obra, calificada como lliteratura de non ficción, carauterízase pol so estilu narrativu tan especial: con una prosa que paez simple y fluida, va describiendo la so propia esperiencia o les vides de verdá d'otres persones y de personaxes históricos. Otros títulos destacaos de so son Una novela rusa (2007), De vidas ajenas (2011), Limónov (2012) y El Reino (2015).

Diéron-y el Premiu Princesa d'Asturies de les Lletres 2021 por ser quien a construyir una obra enforma personal que desendolca un espaciu nuevu d'espresión que esborra les llendes ente lo de verdá y lo que nun lo ye, según el xuráu encargáu de da-ylu. 
 

Abril 2021
Martes 27, 17:00 h

El Club de Llectura de la Biblioteca Bances Candamo aconcéyase por vidiuconferencia pa comentar Carboneras d'Aitana Castaño y Alfonso Zapico. Va ser el martes, 27 d'abril, a les 17:00 hores pela plataforma Jitsi Meet, y va contar cola participación d'Aitana Castaño.

Carboneras ye la segunda collaboración d'Aitana Castaño xunto al ilustrador Alfonso Zapico, tres l'ésitu de Los neños d'humu, una memoria sentimental sobre la minería asturiana, espublizada en 2018. Carboneras, espublizada tamién pola editorial asturiana Pez de Plata en 2020, presentada una riestra rellatos curtios de personaxes como les carboneres, muyeres que trabayaben nes tolves escoyendo'l carbón más bono y tirando piedra y madera. Los rellatos desenvuélvense ente los años 50 y 60. Amás, encargábense de les cases y de la familia, y son les grandes escaecíes de la historia. Al llau d'estes muyeres, destaquen otros personaxes como los tenderos, los cures obreros, o los emigrantes, que tamién taben nesa sociedá descrita nos distintos capítulos del llibru, con rellatos que s'asitien en Montecorvo del Camino, un espaciu de mentira creáu por Alfonso Zapico onde se desarrolla la triloxía La balada del Norte.

Aitana Castaño (Llangréu, 1980) ye llicenciada en Periodismu pola Universidá Complutense de Madrid. Trabayó en varios medios de comunicación como La Nueva España, La Voz de Asturias, La Cuenca del Nalón, Asturias 24, collaborando en revistes y publicaciones de minería, cuenques mineres, movimientu obreru o periodismu n'Asturies y Galicia. Tamién participó nel blog satíricu Fundición Príncipe d'Asturias y na revista d'humor Gurb. La so trayectoria lliteraria inclui varios premios de natarrativa breve, ente ellos el Concursu de Microrrellatos Mineros  "Manuel Nevado Madrid". Anguaño coordina la estaya de noticies de Radio Televisión del Principáu d'Asturies.

Alfonso Zapico (Blimea, Asturies, 1981) ye ilustrador, historietista y autor de cómic. Foi ilustrador de prensa en dellos periódicos y revistes lliteraries nacionales (La Nueva España, La Cuenca del Nalón, Librújula, El País) y internacionales (Magazine XXI, L'Internazionale).  De munchos de los sos cómics ficiéronse tornes a otres llingües al inglés, francés, alemán, italianu, polacu o griegu. Los sos primeros trabayos editaos fueron La guerra del Profesor Bertenev en 2006 pal mercáu francobelga y, n'España, Café Budapest en 2008. Dende entós publicó, ente otres obres, Dublinés (2011), La Ruta Joyce (2011), El otro mar (2013), Cuadernos d'Ítaca (2013), los tres primeros tomos de La Balada del Norte (2015, 2017, 2019) y Los puentes de Moscú (2018), amás de la yá nomada Los niños de humo. Los sos llibros ganaron varios premios, ente ellos el Premiu Nacional de Cómic en 2012.

Marzu 2021
Martes 23, 17:00 h

El Club de Llectura de la Biblioteca Bances Candamo aconcéyase per vidiuconferencia pa comentar Los restos del día, de Kazuo Ishiguro. Sedrá pal martes 23 de marzu, a les 17:00 hores na plataforma Jitsi Meet.

Los restos del día , espublizada en 1989, ta considerada pola crítica como la obra maestra del escritor británicu d'orixen xaponés Kazuo Ishiguro. Foi la so tercer novela y la que lu fizo conocíu en tol mundu, una obra fondamente británica escrita por un escritor que nun ñacere en reinu Xuníu, y que ganó'l Premiu Booker.  

La novela, contada en primera persona pol mayordomu Stevens, ye una mestura d'acontecimientos políticos, andando per detrás la Segunda Guerra Mundial y el personeae del patrón de Stevens, un aristócrata británicu simpatizante del Tercer Reich; un tema románticu, la historia del amor enxamás consumáu ente l'antigua ama de llaves y el mayordomu; con rasgos costumistes de la Inglaterra del sieglu pasáu.

La narración entama en1956, cuando Stevens, que fuere mayordomu de Darlington Hall 30 años y que pasó tola vida nuna mansión victoriana sirviendo a otros, tien la posibilidá de garrar unos díes de descansu y fai un viaxe de seis díes hasta Weymouth  p'alcontrase cola antigua ama de llaves, la señora Benn. Esti viaxe va terminar convirtiéndose nuna travesía enllena descubrimientos y amosando una realidá más amarga que los paisaxes amables que'l mayordomu va dexando p'atrás.

Kazuo Ishiguro ñació en Nagasaki en 1956. Por culpa del trabayu del padre, cuando él tenía seis años, la so familia marchó pa Inglaterra, pasando a vivir en Londres y algamando la nacionalidá británica. Estudió Inglés y Filosofía na Universidá de Kent y un máster d'escritura creativa na Universidá d'East Anglia. Entamó la so carrera lliteraria escribiendo guiones pa series de televisión y rellatos, enantes de les noveles que lu ficieron famosu nes que suel tratar temes del pasáu como'l Xapón de la posguerra, el nazismu y el tiempu d'enantes de la Segunda Guerra Mundial. Otres obres suyes son Un artista del mundu flotante, Los inconsolables, Cuando fuimos güérfanos, Enxamás m'abandones y El xigante enterráu.

Febreru 2021
Martes 23, 17:00 h

El Club de Llectura de la Biblioteca Bances Candamo xúntase por videoconferencia pa comentar los títulos  En el último azul (Nel últimu azul) y Vengaré tu nombre (Vengaré'l to nome) de Carme Riera. Sedrá pal martes, 23 de febreru, a les 17 hores per aciu de l'aplicación Jitsi Meet.

En En el último azul (Nel últimu azul) trata de les minoríes perseguides por motivos relixosos y de la intolerancia, al recrear cómo vivieron y morrieron un grupu de criptoxudíos mallorquines nel sieglu XVII, nun mundu nel que s'entemecen inquisidores, aristócrates, comerciantes, aldeanos, bandoleros y prostitutes nuna trama que novela acontecimientos históricos. Espublizada en 1994, recibió varios premios ente los que destaca'l Premiu Nacional de Narrativa en 1995. En 2019, al cumplise los 25 años de la so publicación, presentóse una nueva edición revisada pola autora.



Vengaré tu muerte (Vengaré la to muerte), espublizada en 2018, ye la última vez qu'escribe novela negra. Nella, la exdetective privada Elena Martínez alcuérdase d'un casu qu'investigó hai años nel que sabe que contribuyó a que se condenara a persones inocentes. Fala de la España de 2010, en plenu espoxigue de la corrupción, la protagonista recibe l'encargu d'investigar la desapaición rara d'un empresariu catalán, del que se ta investigando la so empresa por blanquéu de dineru y sacar perres fuera del país. Nel puntu de partida pa enseñar la degradación de los que, abellugaos pol poder económicu o políticu, creen que pueden facer lo que-yos pete na so vida personal y nos sos negocios ensin castigu nengún.

Carme Riera (Palma de Mallorca, 1948) foi profesora de la Universidá Autónoma de Barcelona y ye miembru de la Real Academia Española. Escribe lo mesmo en catalán que n'español. La so carrera lliteraria entamó en 1975 cola publicación del llibru de rellatos Te dejo, amor, en prenda el mar, nos qu'usa'l mallorquín. La so primer novela, Una primavera para Domenico Guarini, asoleyóse en 1980 y ganó con ella'l premiu Prudenci Bertrana de novela. Les sos obres tornáronse a munches llingües. Dalgunos de los sos títulos son: Por el cielo y más allá (2001), Premiu Crítica Serra d'Or; La mitad del alma (2003), Premiu San Jordi; El verano del inglés (2006), El hotel de los cuentos y otros relatos de neuróticos (2008), Naturaleza casi muerta (2012) y Tiempo de inocencia (2013). En 2001 ganó'l Premiu Nacional de Cultura de la Generalitat de Catalunya, y en 2015 col Premiu Nacional de les Lletres Españoles por tol so camín lliterariu.


 

Febreru

Martes 18, 17:00 h

El Club de Llectura de la Biblioteca Bances Candamo aconcéyase  pa comentar La mujer justa, de Sándor Márai. Será el martes, 18 de febreru, a les 17 hores na sala de conferencies de la Casa la Cultura.

La mujer justa (la muyer xusta)son tres monólogos que se correspuenden con caún de los  personaxes que conformen la novela. Les dos primeres partes publicáronse n'Hungría en 1941 y la tercera, varios años dempués. Con un estilu crudu y realista, Márai asoleya una historia de pasión, mentires, traición y soledá dende tres puntos de vista, los de Marika, Péter y Judit. Pero la novela, amás del triángulu amorosu cuntáu polos personaxes, retrata la Europa d'enteguerres, un tiempu onde la burguesía identificaba los sos privilexos col orden natural de les coses.

Sándor Márai ñació en Kassa, una ciudá d'aquella húngara y güei perteneciente a Eslovaquia, en 1900 y morrió en San Diego (California) en 1889. Descendiente d'una bona familia, estudió Periodismu, pero nun terminó la carrera. De mozu, foi de viaxe per Europa y, en París, convivió con dalgunos de los representantes de les vanguardies estétiques de la época.

Entamó escribiendo n'alemán, pa decidise, a lo cabero, pola so llingua materna, l'húngaru, idioma del que destacó la so guapura, sobre too, pola so fonética. Consideráronlu como ún de los escritores centroeuropeos más importantes, pero, dempués de la invasión del exércitu soviéticu y l'establecimientu del réxime comunista, la so obra prohibióse y escaecióse. Márai abandonó'l so país en 1948 y quedóse a vivir n'Estaos Xuníos, onde trabayó pa Radio Europa Llibre. Hebo qu'esperar a que cayere'l comunismu pa que retornare la so figura al so país y al restu'l mundu.  

Magar que se lu conoz, sobre too, pola so obra narrativa, tamién escribió poesía, teatru y ensayu, amás de collaborar munches veces en periódicos. Nes sos noveles, Márai analiza la decadencia de la burguesía húngara na primer metá del sieglu XX en títulos como Divorciu en Buda, L'últimu alcuentru o L'heriedu d'Eszter. Amás, nos sos llibros de memories, describe toles convulsiones peles que pasare Hungría na primer metá del sieglu XX, como la Primer Guerra Mundial (en Confesiones d'un burgués) y les invasiones de los exércitos nazi y soviéticu (en ¡Tierra! ¡Tierra!)


 

Xineru
Martes 28, 17:00 h

El Club de Llectura de la Biblioteca Bances Candamo xúntase pa comentar Con el agua al cuello, de Petros Márkaris. Va ser pal martes, 28 de xineru, a les 17:00 hores na sala conferencies de la Casa la Cultura.  

Con el agua al cuello, diéron-y en 2012 el Premiu Pepe Carvalho, y la historia céntrase en Grecia nel añu 2010, cuando'l país taba pasando per un momentu críticu económicamente y la población movilizábase nes cais pa quexase polos recortes en sueldos y pensiones. Con esta situación, el comisariu Kostas Jaritos tendrá d'investigar una riestra asesinatos de banqueros y otres persones rellacionaes cola crisis económiques, qu'apaecen decapitaos, a ello hai de sumar una campaña anónima qu'anima a la ciudadanía a boicotear a les entidaes financieres dexando de pagar les sos deudes y hipoteques.

Como todas las novelas de Márkaris, no se trata solo de una novela policiaca, que plantea un misterio y concluye con su desenlace, sino que la trama se adentra en los conflictos de una época desencantada y descreída, a la vez que presenta un estudio psicológico de los personajes y un retrato de la sociedad en la que viven. El comisario Jaritos analiza las pasiones humanas y comprueba que, en muchos casos, los delitos son los síntomas de una sociedad lastrada por el egoísmo y la codicia de una minoría privilegiada.

Como toles noveles de Márkaris, nun ye sólo una novela policiaca, que plantega un misteriu y termina resolviéndose, sinón que la trama métese nos problemes d'una época desencantada y descreyida, presentando al empar un estudiu psicolóxicu de los personaxes y un retratu de la sociedá na que viven. El comisariu Jaritos analiza les pasiones humanes y comprueba que, en munchos casos, los delitos son los ñicios d'una sociedá qu'arrastar'l pesu del egoísmu y la coldicia.

Petros Márkaris (Estambul, 1937) ye un traductor, dramaturgu, guionista y narrador griegu, conocíu sobre too poles sos noveles negres protagonizaes pol comisariu Kostas Jaritos. D'orixen armeniu, estudió Economía en Grecia, Turquía, Alemania y Austria, enantes d'especializase na cultura alemana y dedicase a la traducción d'autores de llingua alemana. Entamó la so carrera lliteraria en 1965 como dramaturgu, pero tamién escribió guiones cinematográficos ente los que destaquen les sos collaboraciones con Theo Angelopoulos. Toles noveles negres del comisariu Jaritos que se ficieron tornáronse a munches llingües. 

Otres obres suyes son: Noticias de la noche, Defensa cerrada, Suicidio perfecto, El accionista mayoritario, Muerte en Estambul y la conocida como triloxía de la crisis formada por Con el agua al cuello, Liquidación final y Pan, educación, libertad, a les que siguieron dempués Hasta aquí hemos llegado y Offshore. Les sos últimes obres espublizaes son Próxima parada, Atenas y Universidad para asesinos.

Payares
Martes 19, 17:00 h

ALCUENTRU CON FULGENCIO ARGÜELLES

El Club de Llectura de la Biblioteca Bances Candamo xúntase pa cometar El otoño de la casa de los sauces, de Fulgencio Argüelles, tando tamién l'autor. Sedrá pal martes 19 de payares, a les 17 hores na sala de conferencies de la Casa la Cultura.

El otoño de la casa de los sauces (Acantilado, 2018) ye una novela alegórica que contién una reflexón sobre les contradiciones de la condición humana y con temes como los sentimientos de culpa, el resentimientu, la muerte y l'amor. L'aición pasa nun sitiu inventáu onde hebo una dictadura enantes de qu'hubiere un sistema republicanu. Zígor, al que-y dicen que tien una enfermedá terminal y que ye miembru d'un comandu terrorista que lluchaba escontra la dictadura, convida a otros miembros del comandu a aconceyar con él. Van toos a la reunión na mansión de Zígor, ensin saber porqué los convida a dir. Yá pasaron venti años dende que'l comandu se separare dempués d'un atentáu que nun pudieron lleva a cabu y volver a xuntase toos conviértese nuna especie de catarsis coleutiva.

Fulgencio Argüelles nació n'Uriés, Conceyu d'Ayer, en 1955. Estudió Sicoloxía, especializándose en Sicoloxía del trabayu y de les organizaciones. Dempués de tar munchu tiempu en Madrid, volvió p'Asturies en 1997 pa vivir en Cenera (Mieres), sitiu onde tuviere de neñu y de mozu.

Enantes d'espublizar les sos noveles, recibió varios premios polos sos relaltos curtios en castellán y asturianu. En 1992 algamó'l Premiu Azorín cola so novela Letanías de lluvia y en 2000 el Premiu Principáu d'Asturies con Recuerdos de algún vivir. El palacio azul de los ingenieros belgas tuvo'l Premiu Café Gijón y el de la Crítica que da l'Asociación d'Escriotres d'Asturies en 2003. Tamiés espublizó otres noveles como Los clamores de la tierra (1996), A la sombra de los abedules (2011) y No encuentro mi cara en el espejo (2014); amás de los llibros de relatos Del color de la nada (1998) y Seronda (2004). Tamién, collabora col periódicu El Comercio onde escribe artículos d'opinión y crítiques lliteraries, dalgunes tán na so obra entitulada Mis libros de siempre jamás (2018).

Entrada llibre hasta completar aforu.

Ochobre
Martes 8, 17:00 h

El Club de Llectura de la Biblioteca Bances Candamo entama los sos aconceyamientos mensulaes el martes, 8 d'ochobre, a les 17:00 hores nel edificiu de La Noria. Nesta sesión van comentase les obres que les eprsones que tán nel club lleeren llibremente de Siri Hustvedt, Premiu d'Asturires de les Lletres 2019.

Dempués, el 15 d'ochobre, les persones del club van dir a un alcuentru de clubs de llectura de les biblioteques públiques cola autora premiada, nel marcu de la Selmana de los Premios Princesa d'Asturies. Esti actu, entituláu "Curiosidá auténtica", aconceyará a más de 1.700 llectores d'Asturies y d'otres comunidaes autónomes

Siri Hustvedt ñació en Northfield, Minnesotta, en 1955, nuna fa.milia d'orixen suecu. Estudió Historia, y doctoróse en Lliteratura Inglesa con una tesis sobre Charles Dickens, pero tamién ye esperta en neurociencia y sicoanálisis. Escribe lo mesmo noveles como ensayos y poemes, y la so obra carauterízase pa facer un análisis fondu de la sociedá d'anguaño y del fenómenu artísticu xunto a datos autobiográficos. D'ella dixeron que nun sólo escribe perbien, sinón que sólo escribe de lo que yá estudió mui atentu.

El xuráu que-y dio'l Premiu Princesa d'Asturies de les Lletres definióla como una intelectural esmolecida poles cuestiones fondes de la ética d'anguaño y destacó la contribución de la so obra, una de les más ambicioses del panorama lliterariu d'anguaño, al diálogu eente les distintes disciplines ente les humanidaes y les ciencies dende una perespeutiva feminista. 

Ente les sos obres, galardonaes con munchos premios y traducíes a más de trenta llingües, pueden citase: el poemariu Leer para ti (1983); les noveles Los ojos vendados (1992), El hechizo de Lily Dahl (1996), Todo cuanto amé (2003), Elegía para un americano (2009), El verano sin hombres (2011), Un mundo deslumbrante (2014), Recuerdos del futuro (2019); así como los ensayos Los misterios del rectángulo (2005), Una súplica para Eros (2005), La mujer temblorosa o la historia de mis nervios (2009), Vivir, pensar, mirar (2012) y La mujer que mira a los hombres que miran a las mujeres (2017).

Xunu

Martes 25, 17:00 h

El Club de Llectura de la Biblioteca Bances Candamo xúntase pa comentar Manual para mujeres de la limpieza, de Lucia Berlin. Sedrá pal martes, 25 de xunu, a les 17:00 hores nel edificiu de La Noria. El club va retomar la so actividá n'ochobre, en pasando les vaciones del veranu.

Manual para mujeres de la limpieza ye una antoloxía de rellatos, editaos n'español en 2016, basaos na vida de Lucia Berlín, hasta esi momentu desconocida, qu'algamó l'esitu de crítica y públicu un poco dempués de la so publicación.

Los sos rellatos considérense tan reales que paecen retratos en movimientu y nellos descubrimos una voz mui especial. Per aciu de los sos testos curtios, sinceros y rotundos, l'autora va contándonos cachos de la so vida que diba pa un sitiu y pa otru ente Alaska, Texas, Santiago de Chile, Nuevo México, California, Nueva York y Colorado.

Dalgún críticu describió la so obra como averada al nomáu "realismu suciu", porque cuenta la realidá qu'hai nes ciudaes americanes y nun busca la guapura nin la palabra elegante. Los sos eprsonaxes, como diz ella mesma a lo lalrgo la sovida, lluchen por sobrevivir nun mundu difícil onde tienen que bregar col día a día, les enfermedaes, poques perres , la non adautación o la solitú.

Lucia Berlin ñació n'Alaska en 1936. Pol trabayu que tenía'l padre, inxenieru mines, los primeros años de la so vida pasaron n'Idaho, Kentucky y Montana, hasta que, en 19412, en diendo'l padre pa la guerra, marchó cola madre (a la que describe como fría, racista y borracha) y cola  hermana pa Texas, onde vivía la familia materna. N'acabando la guerra, la familia foi pa Chile a vivir, onde Lucia estudió  nun colexu priváu mui esclusivu. Quería ser escritora o periodista y, en 1955, entamó a estudiar na Universidá de Nuevo México, onde foi alumna de Ramón J. Sender.

Lucia Berlin ñació n'Alaska en 1936. Pol trabayu que tenía'l padre, inxenieru mines, los primeros años de la so vida pasaron n'Idaho, Kentucky y Montana, hasta que, en 19412, en diendo'l padre pa la guerra, marchó cola madre (a la que describe como fría, racista y borracha) y cola  hermana pa Texas, onde vivía la familia materna. N'acabando la guerra, la familia foi pa Chile a vivir, onde Lucia estudió  nun colexu priváu mui esclusivu. Quería ser escritora o periodista y, en 1955, entamó a estudiar na Universidá de Nuevo México, onde foi alumna de Ramón J. Sender.

La escuridá qu'arrodió la so obra y una vida personal con tantos problemes (casó tres veces, tuvo cuatro fíos a cargu d'ella, borracheres y otres coses de les que tuvo mala) contribuyeron a cebar la so lleenda. Esta situación personal tamién la obligó a tener munchos trabayos, como receicionista nun consultoriu de xinecoloxía, ayudante d'enferemería nun hospital o llimpiadora, hasta que, en 1994, fízose profesora de la Universidá de Colorado. A lo último, tuvo que retirase por culpa d'un cáncanu nel pulmón y morrió en California en 2004, el mesmu día que cumplía 68 años.  

Marzu

Martes 26, 17:00 h

El Club de Llectura de la Biblioteca Bances Candamo aconcéyase pa comentar les obres de Javier Cercas, lleíes llibremente polos miembros del club. Sedrá'l martes, 26 de marzu, a les 17:00 hores nel edificiu de La Noria.

Dempués, les persones que tán nel club de llectura van dir al IX Alcuentru de Clubes de Llectura de les Biblioteques Públiques d'Asturies, organizáu pol Grupu d'Animación a la Llectura , en collaboración col Conceyu de Llanera y l'Asociación de Llibreríes d'Asturies, el día 27 d'abril nel restaurante La Torre (Pruvia), con Javier Cercas como escritor invitáu.

Javier Cercas (Ibahernando, Cáceres, 1962) ye doctor en Filoloxía Hispánica pola Universidá de Barcelona. Foi profesor universitariu na Universidá d'Illinois  n'Urbana durante dos años y na Universidá de Girona dende 1989 hasta que se convirtió nun escritor de renome mundial, n'espublizando la novela Soldados de Salamina en 2001. Tolo que vendió con esta novela y les crítiques tan bones que-y ficieron, permitiéron-y dexar de trabayar na universidá y dedicase a escribir. La so obra ye sobre too narrativa, cola carauterística de la mestura de xéneros lliterarios y l'usu de la novela testimoniu, onde nun tán claros les llendes ente lo que ye de verdá y lo que ye de mentira.

Amás de la obra nomada enantes, otres obres suyes son El inquilino (1989), El vientre de la ballena (1997), La velocidad de la luz (2005), Anatomía de un instante (2009), Las leyes de la frontera (2012), El impostor (2014) y El monarca de las sombras (2017). Tamién ye collaborador de siempre del diariu El País y sus artículos han sido reunidos en publicaciones los sos artículos xuntáronse en publicaciones como  Una buena temporada (1998), Relatos reales (2000) y La verdad de Agamenón (2006). Tuvo munchos premios y reconocencies como la Medalla d'Extremadura en 2005 y el Premiu Nacional de Narrativa en 2010.

Febreru

Martes 26, 17:00 h

El Club de Llectura de la Biblioteca Bances candamo aconcéyase pa comentar La noche que no paró de llover, de Laura Castañón. Sedrá'l martes, 26 de febreru, a les 17 hores, en La Noria, y nesti casu vamos tener a l'autora.

La noche que no paró de llover ye la segunda novela de Laura Castañón. Espublizada por Destino en 2017, trata sobre'l mal, la culpa y el perdón, y los efeutos que producen na vida les persones que protagonicen esta narración. Cola historia de Valeria Santaclara, va enseñándonos requexos del Xixón burgués dende finales de los años venti hasta agora, la rellación problemática que tenía cola hermana, les circunstancies históriques d'un tiempu revueltu, y la culpa cola que vive y que nun ye quien a dicila pa ella mesma.

La obra, per aciu de cuatro voces narratives, afonda nel mal dende tres puntos de vista: el que facemos a posta, el que nun sabemos que ficimos y el que pensamos que ficimos ensin que seya de verdá. Esti efoque triple va entemeciendo les vides d'unos personaxes que paecen náufragos de la so propia memoria, al tratar de refacer el so pasáu interpretando fechos reales peñeraos pente les alcordances.

Laura Castañón (Revallines, Mieres, 1961) dirixe talleres lliterarios y da cursos de creación lliteraria dende mediaos de los años ochenta. Trabayó tamién na radio y televisión, foi xefa de prensa n'ediciones distintes de la Selmana Negra de Xixón y desenvolvió xeres de programación cultural y comunicación empresarial. Espublizó artículos, poemes y rellatos, amás del llibru infantil La niña que tenía sombra de sirena (Júcar, 1987). La crítica y el públicu recibieron mui bien la so primer novela Dejar las cosas en sus días (Alfaguara, 2013).

Xineru

Martes 29, 17:00 h

El Club de Llectura de la Biblioteca Bances Candamo aconcéyase pa comentar Léxico familiar, de Natalia Ginzburg. Sedrá'l martes, 29 de xineru, a les 17 hores nel edificiu de La Noria.  

Léxico familiar ye una obra especial que ñaz de la señaldá. Espublizada en 1963, a la que-y dieron el  Premiu Strega, nunas mestura ente la novela, crónica, autobiografía y llibru de memories, onde l'autora cuenta les sos alcordances de cuando yera una neña y moza, como miembru de la familia Levi, en Turín dende 1930 hasta 1950, nun marcu históricu qu'incluye l'ascensu de Mussolini, les lleis raciales, los campos de concwentración o la llucha antifascista. Per nun son, en cambiu los acontecimientos históricos lo qu'interesa pa la historia , sinón na manera que tien d'influyir el llinguax neses alcordances, la xíriga que construyimos cola nuestra xente a lo llargo la vida.

Según la crítica, esta obra reflexona sobre la condición humana dende los detallinos más pequeños de tolos díes, de maera que l'autora siempre ye quien a falar de nós cuando paez que de verdá sólo fala de sí mesma, o meyor, de la so familia y amigos, porue la narradora ye más bien un testigu más que protagonista, anque'l so discursu en primera persona ye'l filu conductor de la historia, que tien de lleese como una novela, según diz la mesma autora nes primeres páxines.

Natalia Levi, conocida como Natalia Ginzburg pol apellidu del so primer maridu, ñació en Palermo en 1916 nuna bona familia d'orixen xudíu y morrió en Roma en 1991. Tuvo munchu tiempu en Turín, porque'l padre yera profesor universitariu ellí. Lo mesmo'l padre que los hermanos tuvieron na cárcel por culap les sos idees antifascistes y, dempués, al so primer maridu, Leone Ginzburg, profesor universitariu d'orixen rusu y tamién antifascista,  detuviéronlu, torturáronlu y morrió na cárcel en 1944. En 1950 volvió a casase col profesor universitariu Gabriele Baldini, col que tuvo dos fíos, dempués de los tres que yá tenía nel so primer matrimoniu.

Escribió la so primer novela, El camino que va a la ciudad, en 1942 con un nomatu. En morriendo'l so primer maridu, trabayó como redactora na editorial Einaudi, de la qu'él foi cofundador, xunto a Giulio Einaudi y Cesare Pavese, En morriendo'l segundu maridu, entamó a collaborar más en política y nos últimos años de vida foi diputada pol Partíu Comunista italianu.

Está considerada por la crítica como una de las escritoras más influyentes del siglo XX y se caracteriza por la sencillez de su estilo y la claridad de su prosa. Además de obras narrativas y de ensayo, también escribió comedias teatrales. Otras obras suyas son Nuestros ayeres (1952), Las palabras de la noche (1961), Querido Miguel (1973), Familia (1977) y La ciudad y la casa (1984).

Ta considerada pola crítica como una de les escritores con más influyencia del sieglu del sieglu XX. El so estilu ye cenciellu y la prosa mui clara. Amás d'obres narratives y d'ensayu, tamién escribió comedies teatrales. Otres obres suyes son Nuestros ayeres (1952), Las palabras de la noche (1961), Querido Miguel (1973), Familia (1977) y La ciudad y la casa (1984).

  

Más información

Biblioteca Bances Candamo

Pz Domingo Álvarez Acebal, 2

33402 Avilés

Tfn.: 985 510 439

www.bibliotecaspublicas.es/aviles/

Calendariu d’eventos

anterior Setiembre 2022 siguiente
ll ma mi xu vi do
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Espacio Atlántico - Programa TransnacionalInnovate - Promoting Economic ChangeUnión Europea - Fondo Europeo de Desarrollo Regional
  • © 2022 Fundación de Cultura. Conceyu d’Avilés. | Avisu llegal |