Revista dixital de la Fundación de Cultura del Conceyu d’Avilés Revista dixital de la Fundación de Cultura del Conceyu d’Avilés Añu 2019 -Númberu 26 - Ochobre 2019

Apúntate al nuestru boletín

Artes Escéniques

Teatru «escenAvilés xunetu/setiembre 2019»

Programa, entraes y abonos

Con La discreta enamorada, llega al Niemeyer, descubierta nel Festival d'Almagro, una compañía arxentina que recibió por esti Lope una reconocencia premiada nel so país.

Y ensin salir del mesmu escenariu y del mesmu mes de xunetu, al teatru veraniegu añádense dos comedies, El insólito caso de Martin Piche y Juntos, puestes n'escena por un direutor mui conocíu pol públicu llariegu, Juan Carlos Rubio, con intérpretes non menos familiaresna cartelera avilesina (Juan Gea, Dani Muriel, Kiti Manver...).

Yá nel mes d'agostu, la programación, siguiendo na mesma llinia de cares de siempre, va pal Palalcio Valdés con dos estrenos siguíos nel mes y un terceru en setiembre, zarrando'l ciclu veraniegu.  

Pal primeru, La fuerza del cariño, títulu d'ecos cinematográficos, tornen Magüi Mira y Lolita, bien acompañaes por un repartu perarrechu.

En mediu de los dos estrenos l'adautación teatral de la obra de Miguel Delibes qu'algamó un ésitu tremendu, Señora de rojo sobre fondo gris xubirá otra vegada más a les tables avilesines al so noméu protagonista, José Sacristán.

escenAvilés xunu-setiembre acaba incorporando a lo último un nome famosu nel cine, pero nuevu  na escena del país, Juan José Campanella, que se presenta amás, contando con intérpretes españoles mui nomaos, na so doble condición d'autor y direutor de  ¿Qué hacemos con Walter?.

Auditoriu Centru Niemeyer

Día 6 de xunetu, sábadu, 21:00 h

El insólito caso de Martin Piche, de Jacques Mougenot

Direición: Juan Carlos Rubio

Repartu: Juan Gea y Diani Muriel

Esi mal tan raru que tien Martin Piche (la so falta d'interés total pol mundu que lu arrodia) va terminar nun tratamientu siquiátricu mui sorprendente y inesperáu onde se van dándose unes situaciones daqué rares.

Auditoriu Centru Niemeyer

Día 12 de xunetu, vienres, 21:00 h

La discreta enamorada, de Lope de Vega

Compañía de Teatro Clásico (Arxentina)

Direición: Santiago Doria

Repartu: Irene Almus, Ana Yovino, Gabriel Virtuoso, Andrés D'Adamo, Pablo Di Felice, Monica D'Agostino y Francisco Pesqueira

Un Lope porteñu, amuesa d'una espresividá plasmante algamada con pocos medios y que tuvo los meyores premios n'Arxentina y l'aplausu de tol mundu nel festival d'Almagro.

Auditoriu Centru Niemeyer

Día 25 de xunetu, domingu, 21:00 h

Juntos, de Fabio Marra

Versión y direición: Juan Carlos Rubio

Repartu: María Castro, Gorka Otxoa, Kiti Manver e Inés Sánchez

Eses rellaciones de familia tan complicaes pónense pates p'arriba cuando Sandra, una exutiva d'ésitu, vuelve dempués de diez años a una casa un poco probe onde vive la madre y l'hermanu discapacitáu.

Teatru Palacio Valdés

Día 9 d'agostu, vienres, 21:00

La fuerza del cariño, de J.L. Brooks y Dan Gordon

Adautación: Emilio Hernández

Repartu: Lolita Flores, Luis Mottola, Antonio Hortelano y Marta Guerras

Cuatro seres enredaos en llazos amorosos pasen pela vida festexándola con munchu humor, llárimes, ironíes, enfados, glayíos y rises. Hasta que la vida tiemble y los pon delantres'l paisaxe real.

¡¡¡Estrenu absolutu!!!


Teatru Palacio Valdés

Día 31 d'agostu, sábadu, 21:00 h

Señora de rojo sobre fondo gris, de Miguel Delibes

Adautación: de José Sámano, José Sacristán e Inés Camiña

Direición: José Sámano

Repartu: José Sacristán

Un monólogu que xunta'l mundu personal y humanu del escritor cola  desapaición dramática de la so muyer,  nun tiempu mui revolucionáu n'España en 1975.

Teatru Palacio Valdés

Día 6 de setiembre, vienres, 21:00 h

¿Qué hacemos con Walter?

Autoría y direición: Juan José Campanella

Repartu: Fernando Tejero, Iñaki Ardanaz, Paco Tous y otros

Una xunta de propietarios d'un edificiu mui accidentada asoleya los enguedeyos vecinales nesta comedia buslesca sobre la convivencia, el diálogu, los prexuicios y la busca de reconocencia.

¡¡¡Estrenu absolutu!!!

Programa, entraes y abonos escenAvilés xunetu /setiembre 2019 (escritu n'español)

  • © 2019 Fundación de Cultura. Conceyu d’Avilés. | Avisu llegal |